உள்ளாடை தெரிய ஆடை... விமானத்தில் இருந்து இறக்கிவிடப்பட்ட இளம்பெண்கள் !
அமெரிக்காவில் ஸ்பிரிட் ஏர்லைன்ஸ் விமானத்தின் பயணிகள் விமானம் லாஸ் ஏஞ்சல்சிலிருந்து நியூ ஆர்லியன்சுக்கு புறப்பட்டு சென்றது. இந்த விமானத்தில் தாரா கெஹிடி மற்றும் தெரசா அராவுஜோ என்ற 2 இளம்பெண்கள் பயணித்தனர்.இவர்கள் இருவரும் விமானக் குளிருக்காக ஸ்வெட்டர் அணிந்திருந்தனர். விமானத்தில் அமர்ந்த பிறகு அதனை கழற்றி உள்ளாடை வயிறு, இடுப்பு பகுதிகள் தெரியும்படியும் காணப்பட்டனர். இந்நிலையில், விமானத்தில் பணிபுரிந்த ஆண் ஊழியர் ஒருவர் அவர்களை நெருங்கி, வேறு ஏதேனும் ஆடைகளை மேலே அணிந்து கொள்ளுங்கள் என கூறினர்.
அவர்கள் அதனை ஏற்றுக் கொள்ளவில்லை. இதனால் சற்று நேரம் கழித்து விமானத்தில் இருந்து இளம்பெண்கள் இருவரும் கீழே இறக்கி விடப்பட்டனர். இது குறித்த தெரசா தன்னுடைய இன்ஸ்டாவில் வீடியோ வெளியிட்டு நியாயம் கேட்டிருக்கிறார். விமானத்தில் ஆண் பணியாளர் ஒருவர் நாங்கள் அணிந்திருந்த ஆடையை பார்த்து, வேறு ஆடையை மேலே அணியும்படி கூறினார். விமானத்தில் பயணித்தவர்கள் அனைவரும், நாங்கள் அணிந்த ஆடையில் எந்த தவறும் இல்லை என ஆதரவு தெரிவித்தனர். நாங்கள் அணிந்திருந்த ஆடைகளும், ஆடை கட்டுப்பாட்டுக்கு எதிராக இல்லை. ஆனால், அந்த ஆண் ஊழியர், எந்த காரணமுமின்றி எங்களை வெளியேற்ற விரும்பினார். விமான கண்காணிப்பாளர் ஒருவர் வந்து, விமானத்தில் இருந்து இறங்கவில்லை எனில், போலீசை கூப்பிட வேண்டியிருக்கும் என மிரட்டல் விடுத்தார். கட்டண தொகையையும் திருப்பி தரவில்லை.
இதன்பின்னர், ஆயிரம் டாலர் செலவழித்து மற்றொரு விமானத்தில் நாங்கள் செல்ல வேண்டியிருந்தது என குறிப்பிட்டு உள்ளார்.
விமானத்தில் ஏ.சி. செயல்பாட்டில் திருப்தி இல்லை . இதனால் தான் ஸ்வெட்டரை கழற்றி வைக்க வேண்டிய சூழல். வெளியே போக சொல்லும்போது, ஸ்வெட்டரை அணிந்து கொள்கிறோம் என பல முறை கூறியும் அவர்கள் அதனை கேட்கவில்லை எனக் குறிப்பிட்டுள்ளார். விமானத்தில் இருந்து கீழே இறக்கி விட்டு எங்களை குற்றவாளிகள் போன்று நடத்தி விட்டனர். விமானத்தில் இருந்த அனைவரும் எங்களையே பார்த்தனர் . அந்த விமான நிறுவனம், பயணிகள் முறையாக ஆடை அணிய வழிகாட்டு நெறிமுறைகள் எதனையும் குறிப்பிடவில்லை. அதே நேரத்தில் விமான நிறுவன வலைதளத்தில், விமான பயணி போதிய முறையிலான ஆடையை அணியவில்லை எனில் விமானத்தில் இருந்து அந்த பயணி கீழே இறக்கி விடப்படுவார் என தெரிவிக்கப்பட்டு உள்ளது.