20 நிமிட இடைவெளியில் சீனாவில் அடுத்தடுத்து தொடர் நிலநடுக்கம்... பீதியில் உறைந்த பொதுமக்கள்!

சீனாவின் தொலைதூரப் மாகாணப் பகுதியில் அடுத்தடுத்து ஏற்பட்ட பலத்த நிலநடுக்கங்கள் பெரும் பீதியை ஏற்படுத்தியுள்ளன. வெறும் 20 நிமிட இடைவெளியில் இருமுறை நிலப்பரப்பு சக்திவாய்ந்த முறையில் அதிர்ந்து குலுங்கியது. முதல் நிலநடுக்கத்தைத் தொடர்ந்து மக்கள் வீடுகளை விட்டு வெளியேறிய சூழலில், அடுத்த சில நிமிடங்களிலேயே 2-வது நிலநடுக்கமும் தாக்கியுள்ளது. இந்தத் திடீர் நில அதிர்வுகளால் அப்பகுதியில் இருந்த பல கட்டிடங்கள் பலத்த சேதமடைந்துள்ளன.

நிலநடுக்கத்தின் தாக்கம் உணரப்பட்ட உடனடியாகப் பொதுமக்கள் அலறி அடித்தபடி திறந்தவெளிகளுக்கும் வீதிகளுக்கும் ஓடி வந்தனர். அடுத்தடுத்து நில அதிர்வுகள் நேரிட்டதால் வீடுகளுக்குள் மீண்டும் செல்ல அஞ்சிப் பொதுமக்கள் வீதிகளிலேயே தஞ்சமடைந்தனர். தகவலறிந்த மீட்புக் குழுவினர் மற்றும் அதிகாரிகள் உடனடியாகச் சம்பவ இடத்திற்கு விரைந்து தீவிர நிவாரணப் பணிகளை முடுக்கிவிட்டுள்ளனர்.

பாதிக்கப்பட்ட இடங்களில் இடிபாடுகளில் சிக்கியவர்களை மீட்கும் பணிகள் தொடர்ந்து தீவிரமாக நடைபெற்று வருகின்றன.மீண்டும் நில அதிர்வுகள் ஏற்பட வாய்ப்புள்ளதா என்பதை நிலநடுக்கவியல் நிபுணர்கள் தீவிரமாகக் கண்காணித்து வருகின்றனர். பாதிக்கப்பட்ட மக்களுக்கான தற்காலிகப் புகலிடங்கள் மற்றும் மருத்துவ உதவிகளைச் சீன அரசு விரைந்து வழங்கி வருகிறது. சொத்துச் சேதங்கள் மற்றும் காயம் அடைந்தவர்களின் எண்ணிக்கை குறித்த முழுமையான விபரங்களை அதிகாரிகள் சேகரித்து வருகின்றனர்.