குருவாயூர் எக்ஸ்பிரஸ் ரயில் சேவையில் மாற்றம்... பயணிகளே குறிச்சிக்கோங்க!

 பராமரிப்பு பணிகள் காரணமாக குருவாயூர் எக்ஸ்பிரஸ் ரயில் சேவையில் மாற்றம் செய்யப்பட்டு இருப்பதாக தெற்கு ரயில்வே  தெரிவித்துள்ளது. இது குறித்து வெளியிட்டுள்ள செய்திக்குறிப்பில்  குருவாயூரில் இருந்து  டிசம்பர் 13, 16, 27, 30 ஆகிய தேதிகளில் இரவு 11.15 மணிக்கு புறப்பட்டு சென்னை எழும்பூர் வரும் குருவாயூர் எக்ஸ்பிரஸ் ரயில் (வண்டி எண்.16128) மதுரை, சோழவந்தான், கொடைக்கானல் சாலை, திண்டுக்கல் மற்றும் மணப்பாறை ஆகிய ரயில் நிலையம் செல்லாமல் விருதுநகர், மானாமதுரை, காரைக்குடி, புதுக்கோட்டை, திருச்சி வழியாக சென்னை எழும்பூர் வந்தடையும்.

மறுமார்க்கமாக, சென்னை எழும்பூரில் இருந்து டிசம்பர்  14ம் தேதி காலை 9.45 மணிக்கு புறப்பட்டு குருவாயூர் செல்லும் எக்ஸ்பிரஸ் ரயில் (16127) மேற்கண்ட மாற்று வழித்தடம் வழியாக குருவாயூர் செல்லும். அதே போல் நாகர்கோவிலில் இருந்து  28, 31 ஆகிய தேதிகளில் காலை 7.50 மணிக்கு புறப்பட்டு கோவை செல்லும் எக்ஸ்பிரஸ் ரயில் (16321) திருமங்கலம், திருப்பரங்குன்றம், மதுரை, சோழவந்தான், கொடைக்கானல் சாலை, அம்பாத்துரை, திண்டுக்கல் ஆகிய ரயில் நிலையம் செல்லாமல் விருதுநகர், மானாமதுரை, காரைக்குடி, திருச்சி, கரூர், ஈரோடு வழியாக கோவை சென்றடையும். மறுமார்க்கமாக, கோவையில் இருந்து   28, 31   தேதிகளில் காலை 8 மணிக்கு புறப்பட்டு நாகர்கோவில் செல்லும் எக்ஸ்பிரஸ் ரயில் (16322) மேற்கண்ட மாற்று வழித்தடம் வழியாக நாகர்கோவில் சென்றடையும்.

நாகர்கோவிலில் இருந்து இன்று டிசம்பர் 12ம் தேதி காலை 6.15 மணிக்கு புறப்பட்டு மும்பை செல்லும் எக்ஸ்பிரஸ் ரயில் (16352) மதுரை, திண்டுக்கல்  செல்லாமல் விருதுநகர், மானாமதுரை, காரைக்குடி, புதுக்கோட்டை, திருச்சி வழியாக மும்பை சென்றடையும். நாகர்கோவிலில் இருந்து டிசம்பர்  31ம் தேதி காலை 6.15 மணிக்கு புறப்பட்டு மும்பை செல்லும் எக்ஸ்பிரஸ் ரயில் (16340) மதுரை, கொடைக்கானல் சாலை, திண்டுக்கல்  செல்லாமல் விருதுநகர், மானாமதுரை, காரைக்குடி, புதுக்கோட்டை, திருச்சி, கரூர் வழியாக மும்பை சென்றடையும்.  அதே போல் கன்னியாகுமரியில் இருந்து  டிசம்பர் 14, 28  தேதிகளில் காலை 5.50 மணிக்கு புறப்பட்டு ஹவுரா செல்லும் அதிவிரைவு ரயில் (12666) மதுரை, திண்டுக்கல் ஆகிய ரயில் நிலையம் செல்லாமல் விருதுநகர், மானாமதுரை, காரைக்குடி, புதுக்கோட்டை, திருச்சி வழியாக ஹவுரா சென்றடையும் எனத் தெரிவிக்கப்பட்டுள்ளது.  

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!