கள்ளக்காதல் தகராறில் இளைஞர் அடித்துக் கொலை... காதலி உட்பட 3 பேர் கைது!

மத்தியப் பிரதேச மாநிலம் ரைசென் மாவட்டத்தில், கள்ளக்காதல் விவகாரத்தால் வீரு ஜாட் என்ற வாலிபர் கொடூரமாக அடித்துக் கொல்லப்பட்ட சம்பவம் பெரும் பரபரப்பை ஏற்படுத்தியுள்ளது. ஏற்கனவே திருமணமான ரீனா என்ற பெண், தனது காதலன் அருண் படேலுக்காகக் கணவரை விவாகரத்து செய்துவிட்டு அவருடன் வசித்து வந்துள்ளார். இந்தச் சூழலில், ரீனாவுக்கும் வீரு ஜாட் என்பவருக்கும் இடையே புதிய பழக்கம் ஏற்பட்டதே இந்தக் கொலைக்கு முக்கியக் காரணமாகத் தெரிகிறது.

சம்பவத்தன்று ரீனாவைச் சந்திப்பதற்காக வீரு அவரது வீட்டிற்குச் சென்றுள்ளார். அப்போது அங்கு வந்த ரீனாவின் மற்றொரு காதலன் அருண் படேல், ஆத்திரத்தில் தனது நண்பர்களுடன் சேர்ந்து வீருவை சரமாரியாகத் தாக்கியுள்ளார். இதில் பலத்த காயமடைந்த வீரு ஜாட் சம்பவ இடத்திலேயே பரிதாபமாக உயிரிழந்தார். தகவல் அறிந்து விரைந்து வந்த போலீசார், வீருவின் சடலத்தைக் கைப்பற்றிப் பிரேதப் பரிசோதனைக்கு அனுப்பி வைத்தனர்.

இந்தக் கொலைக் குற்றச்சாட்டின் அடிப்படையில் ரீனா, அவரது காதலன் அருண் படேல் மற்றும் அவரது நண்பர் ஆகிய 3 பேரையும் போலீசார் அதிரடியாகக் கைது செய்துள்ளனர். இவர்கள் மீது கொலை வழக்குப் பதிவு செய்யப்பட்டுத் தீவிர விசாரணை நடத்தப்பட்டு வருகிறது. இரு காதலர்களுக்கு இடையே ஏற்பட்ட மோதலால் ஒரு உயிர் பறிபோன சம்பவம் அந்தப் பகுதியில் பெரும் அதிர்ச்சியை உண்டாக்கியுள்ளது.