பிரபல திரைப்பட இயக்குனருக்கு ஒரு மாத சிறை தண்டனை விதிப்பு.. பரபரப்பு உத்தரவிட்ட நீதிபதி!
நடிகர் பிரஜன் நடித்த படம் 'டி.3'. இந்த படத்தை பாலாஜி இயக்க, மனோஜ் தயாரித்துள்ளார். இந்தப் படத்தை தயாரிக்க சாமுவேல் காட்சனிடம் ரூ.4 கோடி கடன் வாங்கியிருந்தார் மனோஜ். அப்போது படத்தின் 60 சதவீத உரிமையை சாமுவேலுக்கு வழங்க ஒப்பந்தம் செய்தார். ஆனால், ஒப்பந்தத்தை மீறி மனோஜ் படத்தை வெளியிட்டார். இதை எதிர்த்து சாமுவேல் காட்சன் தொடர்ந்த வழக்கை விசாரித்த உயர்நீதிமன்றம், 'டி3' படத்தை ஓ.டி.டி. தளத்தில் வெளியிட தடை விதித்தது. படத்தின் மூலம் பெற்ற வருமானம் குறித்த விவரங்களை சமர்ப்பிக்க உத்தரவிட்டது.
ஆனால், இந்த உத்தரவை மீறி படம் ஓடிடியில் வெளியிட்டது. இதையடுத்து, படத்தின் இயக்குநர் பாலாஜி மற்றும் தயாரிப்பாளர் மனோஜ் மீது சாமுவேல் காட்சன் சென்னை உயர்நீதிமன்றத்தில் நீதிமன்ற அவமதிப்பு வழக்கு தொடர்ந்தார். இந்த வழக்கு நீதிபதி பி.வேல்முருகன் முன் விசாரணைக்கு வந்தபோது, மனுதாரர் தரப்பில் வக்கீல் தங்கசிவம் ஆஜரானார். இதையடுத்து இயக்குனர் மற்றும் தயாரிப்பாளரை நேரில் ஆஜராகுமாறு நீதிபதி ஏற்கனவே உத்தரவிட்டுள்ளார்.
அதன்படி இயக்குனர் பாலாஜி நேரில் ஆஜரானார். பின்னர் அவரை விசாரித்த நீதிபதி, நீதிமன்ற அவமதிப்பு குற்றத்திற்காக அவருக்கு ஒரு மாதம் சிறை தண்டனை விதித்து தீர்ப்பளித்தார். அதேபோல், நேரில் ஆஜராகாத தயாரிப்பாளர் மனோஜ் மீதும் கைது வாரண்ட் பிறப்பித்து, வரும் 24ம் தேதி விசாரணை நடத்த நீதிபதி உத்தரவிட்டு வழக்கை ஒத்திவைத்தார்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!