FIFA WC 2026: ரொனால்டோ தலைமையிலான போர்ச்சுகல் அணி அமெரிக்கா வருகை!

உலகின் மிகப்பெரிய விளையாட்டுத் திருவிழாவான 2026 ஃபிஃபா உலகக் கோப்பை கால்பந்து தொடர் கடந்த ஜூன் 11-ஆம் தேதி மிக பிரம்மாண்டமாகத் தொடங்கியுள்ளது. வட அமெரிக்கக் கண்டத்தின் மூன்று முக்கிய நாடுகளான மெக்சிகோ, கனடா மற்றும் அமெரிக்கா ஆகிய நாடுகள் இணைந்து நடத்தும் இந்த வரலாற்றுச் சிறப்புமிக்க தொடரில் பங்கேற்பதற்காக, நட்சத்திர வீரர் கிறிஸ்டியானோ ரொனால்டோ தலைமையிலான போர்ச்சுகல் தேசிய கால்பந்து அணி அமெரிக்காவை வந்தடைந்துள்ளது.

உலகக் கோப்பை தொடருக்காக அமெரிக்கா வந்திறங்கிய போர்ச்சுகல் அணிக்கு, அந்நாட்டுப் கால்பந்து ரசிகர்கள் மற்றும் விளையாட்டு அமைப்புகள் சார்பில் உற்சாகமான வரவேற்பு அளிக்கப்பட்டது. உலகக் கோப்பை வரலாற்றில் தனது முத்திரையைப் பதிக்கக் காத்திருக்கும் கிறிஸ்டியானோ ரொனால்டோவை நேரில் காண விமான நிலையத்திலும், அணி தங்கும் விடுதி வளாகத்திலும் நூற்றுக்கணக்கான ரசிகர்கள் திரண்டிருந்தனர். போர்ச்சுகல் அணி வீரர்கள் தங்களின் முதற்கட்டப் பயிற்சிகளை அமெரிக்க மைதானங்களில் தற்போதிலிருந்தே தீவிரமாகத் தொடங்கவுள்ளனர்.

இந்த உலகக் கோப்பை தொடரில் 'குரூப்' சுற்றில் இடம் பிடித்துள்ள போர்ச்சுகல் அணி, தனது முதலாவது லீக் ஆட்டத்தில் காங்கோ  அணியை எதிர்கொள்கிறது. ரசிகர்களால் பெரிதும் எதிர்பார்க்கப்படும் இந்த விறுவிறுப்பான போட்டி வரும் ஜூன் 17-ஆம் தேதி நடைபெறவுள்ளது.

தனது கடைசி உலகக் கோப்பைத் தொடரில் விளையாடி வரும் ரொனால்டோ, இந்த முறை போர்ச்சுகல் அணிக்கு உலகக் கோப்பையை வென்று கொடுத்து வரலாற்றுச் சாதனை படைப்பாரா என்ற பெரும் எதிர்பார்ப்பில் உலகெங்கிலும் உள்ள கால்பந்து ரசிகர்கள் காத்துக்கொண்டிருக்கின்றனர்.