விநாயகர் சதுர்த்தி ஸ்பெஷல்... இன்றிரவு சேலம் வழியாக பெங்களூரு - நெல்லை இடையே சிறப்பு ரயில்கள் இயக்கம்!

விநாயகர் சதுர்த்தி விழாவை முன்னிட்டுப் பொதுமக்களின் பயண நெரிசலைக் குறைக்கும் பொருட்டு, பெங்களூரு மற்றும் திருநெல்வேலி இடையே சிறப்பு ரயில்களை இயக்கத் தெற்கு ரயில்வே நிர்வாகம் ஏற்பாடு செய்துள்ளது.

விநாயகர் சதுர்த்தி சிறப்பு ரயில் (எண்: 06527) இன்று இரவு 11.35 மணிக்கு பெங்களூருவில் இருந்து புறப்பட்டு, நாளை (சனிக்கிழமை) அதிகாலையில் சேலம் வந்தடைந்து பின்னர் நெல்லை சென்றடையும்.

மறுமார்க்கத்தில் இயக்கப்படும் சிறப்பு ரயில் (எண்: 06528) நாளை பிற்பகல் 3.45 மணிக்கு நெல்லையில் இருந்து புறப்பட்டு, சேலம் வழியாகப் பெங்களூரு சென்றடையும் என்று அறிவிக்கப்பட்டுள்ளது.

பண்டிகை நாட்களில் சொந்த ஊர்களுக்குப் பயணம் செய்யும் பயணிகள் மற்றும் பொதுமக்களின் வசதிக்காக இந்தச் சிறப்பு ரயில்கள் இயக்கப்படுவது குறிப்பிடத்தக்கது.