நடிகை ஸ்ரீலீலாவின் கன்னத்தில் முத்தமிட்ட சிறுமி!

தெலங்கானா மாநிலம் ஹைதராபாத்தில் உள்ள பிரபல வணிக வளாகத் திறப்பு விழாவில் பங்கேற்ற பிரபல தென்னிந்திய நடிகை ஸ்ரீலீலாவிடம், சிறுமி ஒருவர் அன்போடு கன்னத்தில் முத்தமிட்டுச் செல்ஃபி எடுத்துக்கொண்ட வீடியோ இணையத்தில் வைரலாகி வருகிறது.

ஹைதராபாத்தில் நடைபெற்ற ஷாப்பிங் மால் திறப்பு விழாவிற்குச் சிறப்பு விருந்தினராக நடிகை ஸ்ரீலீலா வருகை தந்தார். அவரைக் காண்பதற்காக ஆயிரக்கணக்கான ரசிகர்கள் வணிக வளாகத்தில் குவிந்தனர். கூட்டத்திற்கு இடையே ஸ்ரீலீலாவைக் காண வந்த சிறுமி ஒருவர், ஆசையோடு அவரது கன்னத்தில் முத்தமிட்டுச் செல்ஃபி புகைப்படம் எடுத்துக்கொண்டார்.

சிறுமியின் திடீர் செயலால் கோபப்படாமல் அல்லது விலகிச் செல்லாமல், நடிகை ஸ்ரீலீலா புன்னகையுடனும் அன்படனும் அச்சிறுமியை அரவணைத்துச் செல்ஃபி எடுக்க ஒத்துழைத்தார்.

திரையுலகில் வளர்ந்து வரும் முன்னணி நடிகையாக இருந்தாலும், எந்தவிதத் திரையுலக ஆடம்பரமோ (ஆணவமோ) காட்டாமல் ரசிகர்களிடம் எளிமையாகவும் இயல்பாகவும் பழகும் ஸ்ரீலீலாவின் இந்த குணத்தைப் பாராட்டி, வீடியோவை நெட்டிசன்கள் மற்றும் ரசிகர்கள் சமூக வலைத்தளங்களில் வைரலாக்கி வருகின்றனர்.