தங்கம் விலை சவரனுக்கு ரூ.1,240 சரிவு.. ஒரு சவரன் ரூ.1,05,880-க்கு விற்பனை!

தமிழகத்தில் ஆபரணத் தங்கத்தின் விலை இன்று அதிரடியாகச் சவரனுக்கு ரூ.1,240 குறைந்துள்ளதால் நகைப்பிரியர்கள் மகிழ்ச்சியடைந்துள்ளனர். வரும் நாட்களில் இன்னும் தங்கம் விலை குறையவே வாய்ப்புள்ளதாக நிபுணர்கள் கருத்து தெரிவித்துள்ளனர்.

ஆபரணத் தங்கம் நேற்று ஒரு சவரன் ரூ.1,07,120-க்கு விற்கப்பட்ட நிலையில், இன்று ரூ.1,240 குறைந்து ரூ.1,05,880-க்கு விற்பனை செய்யப்படுகிறது. ஆபரணத் தங்கம் கிராமிற்கு ரூ.155 குறைந்து ரூ.13,235-க்கு விற்கப்படுகிறது. கடந்த 4 நாட்களில் மட்டும் தங்கத்தின் விலை சவரனுக்கு மொத்தம் ரூ.2,680 வரை குறைந்துள்ளது குறிப்பிடத்தக்கது.

தங்கத்தின் பாதையிலேயே வெள்ளியின் விலையும் இன்று சரிவைக் கண்டுள்ளது. கிராம் ஒன்றுக்கு ரூ.5 குறைந்து ரூ.225-க்கும், கிலோவுக்கு ரூ.5,000 குறைந்து ரூ.2,25,000-க்கும் விற்பனையாகிறது.