தாறுமாறாக எகிறிய தங்கம்... நகைப் பிரியர்கள் அதிர்ச்சி!

தமிழகத்தில் தங்கம் விலை இன்று (அக். 27) மீண்டும் உயர்ந்துள்ளது. இதனால் நகை வாங்கத் திட்டமிட்டுள்ளவர்கள் கூடுதல் செலவைச் சந்திக்க வேண்டிய நிலை ஏற்பட்டுள்ளது.

சவரனுக்கு ரூ.400 உயர்வு

நேற்று ஒரு சவரன் ஆபரணத் தங்கம் ரூ.1,04,680-க்கு விற்பனை செய்யப்பட்ட நிலையில், இன்று ரூ.400 உயர்ந்து ரூ.1,05,080-க்கு விற்பனை செய்யப்படுகிறது. அதேபோல், ஒரு கிராம் தங்கம் ரூ.50 அதிகரித்து ரூ.13,135 ஆக உள்ளது.

மாற்றமில்லாத வெள்ளி விலை

தங்கத்தின் விலை உயர்ந்துள்ள நிலையில், வெள்ளி விலையில் மாற்றமில்லை. ஒரு கிராம் வெள்ளி ரூ.220-க்கும், ஒரு கிலோ வெள்ளி ரூ.2,20,000-க்கும் விற்பனை செய்யப்படுகிறது. தங்கம் மற்றும் வெள்ளி விலைகள் சந்தை நிலவரங்களுக்கு ஏற்ப மாறக்கூடும் என்பதால், நகை வாங்குவதற்கு முன்பு அன்றைய விலையைச் சரிபார்ப்பது அவசியம்.