மளமளவென உயர்ந்த ஆபரணத் தங்கம் விலை ... நகைப் பிரியர்கள் அதிர்ச்சி!

சென்னையில் இன்று ஜூலை 18 சனிக்கிழமை சில்லரை விற்பனைச் சந்தையில் ஆபரணத் தங்கம் விலை சவரனுக்கு ரூ.280 உயர்ந்துள்ளது. இந்த விலை உயர்வின் காரணமாக சென்னையில் 22 காரட் ஆபரணத் தங்கம் 1 கிராமின் விலை ரூ.35 உயர்ந்து ரூ.13,135 ஆகவும், ஒரு சவரன் விலை ரூ.1,05,080 ஆகவும் விற்பனை செய்யப்படுகிறது. அதேவேளையில் 24 காரட் சுத்தத் தங்கம் 1 கிராமின் விலை ரூ.14,329 ஆகவும், அதன் சவரன் விலை ரூ.304 உயர்ந்து ரூ.1,14,632 ஆகவும் சந்தையில் வர்த்தகமாகி வருகிறது.

சர்வதேசப் பொருளாதாரச் சூழல் மற்றும் அமெரிக்க டாலருக்கு நிகரான இந்திய ரூபாயின் மதிப்பு வீழ்ச்சி அடைந்து வருவது போன்ற பல்வேறு உலகளாவிய காரணிகளால் தங்கம் விலையில் இந்த மாற்றம் ஏற்பட்டுள்ளது. குறிப்பாக தற்பொழுது டாலருக்கு நிகரான இந்திய ரூபாயின் மதிப்பானது ரூ.96.53 ஆகக் குறைந்துள்ளதும், ஈரான் - அமெரிக்கா இடையே மீண்டும் மோதல் வெடித்துள்ளதும் இதற்குக் காரணமாகக் கூறப்படுகிறது. மேற்கு ஆசியாவில் போர் மேகம் வலுக்கத் தொடங்கியுள்ளதும் உலகச் சந்தையில் தங்கம் விலையின் இந்த திடீர் மாற்றத்திற்கு முதன்மை முடுக்கவியாக அமைந்துள்ளது.

மறுபுறம் சென்னையில் இன்றைய வெள்ளி விலையில் எவ்வித மாற்றமும் இன்றி நேற்றைய விலையிலேயே தொடர்ந்து நீடித்து விற்பனையாகி வருகிறது. இதன்படி இன்று 1 கிராம் வெள்ளியின் விலை ரூ.235 ஆகவும், ஒரு கிலோ வெள்ளியின் விலை ரூ.2,35,000 ஆகவும் எவ்வித மாற்றமுமின்றி வர்த்தகம் செய்யப்படுகிறது. இந்த விலை உயர்வு குறித்து வர்த்தக நிபுணர்கள் கூறுகையில் சுப காரியங்களுக்குத் தாராளமாக நகை வாங்கலாம் என்றும், முதலீடு என்று வரும்போது தனிப்பட்ட ஆலோசனைகளைப் பெறுவது நலம் என்றும் தெரிவித்துள்ளனர்.