வரலாறு காணாத உச்சம் தொட்டம் தங்கம்... சவரன் ரூ.1,08,000க்கு விற்பனை!

தமிழகத்தில் ஆபரணத் தங்கத்தின் விலை இன்று ஜூலை 23 சவரனுக்கு ரூ.560 அதிரடியாக உயர்ந்துள்ளது. நேற்றைய வர்த்தகத்தில் ஒரு சவரன் ரூ.1,07,440-க்கு விற்பனையான நிலையில் இன்று மீண்டும் ஏற்றமடைந்துள்ளது. தொடர்ந்து அதிகரித்து வரும் விலை உயர்வால் தங்கம் வாங்கத் திட்டமிட்டிருந்த பொதுமக்கள் கடும் அதிர்ச்சியடைந்துள்ளனர். சர்வதேச சந்தையில் நிலவும் பொருளாதார மாற்றங்களே இந்தத் திடீர் விலை உயர்வுக்கு முதன்மை காரணமாகக் கூறப்படுகிறது.

இன்றைய புதிய நிலவரப்படி கிராமுக்கு ரூ.70 உயர்ந்து ஒரு கிராம் தங்கம் ரூ.13,500-க்கு விற்பனையாகிறது. இதன் மூலம் ஒரு சவரன் ஆபரணத் தங்கம் ரூ.1,08,000 என்ற புதிய உச்சத்தை எட்டி மக்களைக் கலங்க வைத்துள்ளது. அதேவேளையில் வெள்ளி விலையில் எந்தவித மாற்றமும் இன்றி நேற்றைய விலையிலேயே சீராகத் தொடர்ந்து நீடிக்கிறது. ஒரு கிராம் வெள்ளி ரூ.245-க்கும் ஒரு கிலோ வெள்ளி ரூ.2,45,000-க்கும் சந்தையில் விற்பனை செய்யப்பட்டு வருகிறது.

தங்கத்தின் விலை நாளுக்கு நாள் விண்ணை முட்டும் அளவுக்கு உயர்ந்து வருவது நடுத்தரக் குடும்பங்களுக்குப் பெரும் சுமையாக மாறியுள்ளது. திருமணம் மற்றும் சுப நிகழ்ச்சிகளுக்குத் தங்கம் வாங்க வேண்டிய கட்டாயத்தில் இருப்பவர்கள் இந்த விலையேற்றத்தால் நிலைதடுமாறியுள்ளனர். அடுத்தடுத்த நாட்களில் தங்கத்தின் விலை மேலும் உயருமா அல்லது குறையுமா என்ற எதிர்பார்ப்பு நகைப்பிரியர்களிடையே எழுந்துள்ளது. சந்தையில் நிலவும் இந்த அசாத்தியமான விலை ஏற்ற இறக்கங்களால் நகைக்கடைகளில் மக்கள் கூட்டம் சற்றே குறைந்து காணப்படுகிறது.