ஆடி வெள்ளிக்கிழமையில் அதிர்ச்சி... மீண்டும் உச்சம் தொட்ட தங்கம் விலை !

தமிழகத் தலைநகரான சென்னையில் கடந்த சில நாட்களாகத் தங்கத்தின் விற்பனை விலையில் பல்வேறு ஏற்ற இறக்கங்கள் ஏற்பட்டு வருகின்றன. சர்வதேசச் சந்தையில் நிலவும் பொருளாதாரச் சூழல்கள் மற்றும் நாணய மதிப்புக் மாற்றங்கள் காரணமாகத் தங்கத்தின் விலை தொடர்ந்து மாறுபட்டு வருகிறது. இந்நிலையில் ஆபரணத் தங்கத்தின் விலை மீண்டும் உயர்ந்து வாடிக்கையாளர்கள் மற்றும் பொதுமக்களிடையே பெரும் கவனத்தைப் பெற்றுள்ளது. இந்தத் திடீர் விலை உயர்வால் நகை வாங்கத் திட்டமிட்டிருந்த இல்லத்தரசிகள் மற்றும் பொதுமக்கள் கவலையடைந்துள்ளனர்.

சென்னையில் நேற்று ஆபரணத் தங்கம் ஒரு கிராமுக்கு 75 ரூபாய் உயர்ந்து 13,230 ரூபாய்க்கும், சவரனுக்கு 600 ரூபாய் உயர்ந்து 1,05,840 ரூபாய்க்கும் விற்பனையானது. அதன் தொடர்ச்சியாக இன்றும் தங்கம் விலை மேலும் அதிகரித்து புதிய நிலையைத் தொட்டுள்ளது. அதன்படி இன்று ஒரு கிராமுக்கு 25 ரூபாய் உயர்ந்து 13,255 ரூபாய்க்கும், ஒரு சவரனுக்கு 200 ரூபாய் உயர்ந்து 1,06,040 ரூபாய்க்கும் விற்பனை செய்யப்பட்டு வருகிறது.

தங்கத்தின் விலை உயர்ந்துள்ள அதேவேளையில், வெள்ளியின் விற்பனை விலையில் எந்தவித மாற்றமும் இன்றி நேற்றைய விலையிலேயே விற்பனையாகி வருகிறது. அதன்படி இன்று வெள்ளி ஒரு கிராம் 235 ரூபாய்க்கும், ஒரு கிலோ 2 லட்சத்து 35 ஆயிரம் ரூபாய்க்கும் விற்பனை செய்யப்படுகிறது. தொழில் துறைத் தேவைகள் மற்றும் சர்வதேச முதலீடுகளின் மாற்றங்களால் தங்கம் மற்றும் வெள்ளி விலையில் தினசரி மாற்றங்கள் நிலவி வருகின்றன.