டிகிரி முடித்தவர்களுக்கு ரூ.48,000 சம்பளத்தில் வங்கியில் வேலைவாய்ப்பு; 6,715 காலிப்பணியிடங்கள்!

 By Seetha Jul 12, 2026, 17:50 IST
எஸ்.பி.ஐ வங்கி ஊழியர்கள் வேலைநிறுத்தம்

வங்கியில் பணிபுரிய வேண்டும் என்ற லட்சியம் கொண்ட பட்டதாரி இளைஞர்களுக்கு ஒரு பொன்னான வாய்ப்பு தேடி வந்துள்ளது. வங்கிப் பணியாளர் தேர்வு நிறுவனம் இந்தியாவின் முன்னணி 11 பொதுத்துறை வங்கிகளில் காலியாக உள்ள புரோபேஷனரி ஆபீசர் மற்றும் மேனேஜ்மென்ட் டிரெய்னி பணியிடங்களை நிரப்புவதற்கான அதிகாரப்பூர்வ வேலைவாய்ப்பு அறிவிப்பை வெளியிட்டுள்ளது. இதன் மூலம் ஒட்டுமொத்தமாக 6,715 காலிப்பணியிடங்கள் நிரப்பப்படவுள்ளதால் தகுதியானவர்கள் உடனே விண்ணப்பித்துப் பயனடையலாம்.

பதவியின் பெயர்: புரோபேஷனரி ஆபீசர் (Probationary Officer - PO) / மேனேஜ்மென்ட் டிரெய்னி (Management Trainee - MT)

மொத்த காலிப்பணியிடங்கள்: 6,715 இடங்கள்

கல்வித் தகுதி: இந்திய அரசால் அங்கீகரிக்கப்பட்ட ஏதேனும் ஒரு பல்கலைக்கழகத்தில் ஏதேனும் ஒரு துறையில் இளங்கலைப் பட்டப்படிப்பு தேர்ச்சி பெற்றிருக்க வேண்டும்.

வயது வரம்பு: விண்ணப்பதாரர்கள் 21 வயது முதல் 30 வயதிற்குள் இருக்க வேண்டும். (அரசு விதிகளின்படி எஸ்சி, எஸ்டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும் வயது வரம்பில் தளர்வுகள் வழங்கப்படும்).

ஆரம்ப ஊதியம்: தேர்வு செய்யப்படும் அதிகாரிகளுக்கு அடிப்படைச் சம்பளமாக ரூபாய் 48,480/- மற்றும் இதர பொதுத்துறை வங்கி படிகள் வழங்கப்படும்.

தேர்வு செய்யப்படும் முறை
விண்ணப்பதாரர்கள் பின்வரும் மூன்று முக்கியக் கட்டத் தேர்வுகளின் அடிப்படையில் தகுதிப் பட்டியலின்படி தேர்வு செய்யப்படுவார்கள்:

முதற்கட்டத் தேர்வு (Preliminary Examination): ஆகஸ்ட் 2026-ல் ஆன்லைன் முறையில் நடத்தப்படும்.

முதன்மைத் தேர்வு (Main Examination): அக்டோபர் 2026-ல் விவரித்து எழுதும் மற்றும் கொள்குறி வகை முறையில் நடைபெறும்.

நேர்காணல் (Interview): முதன்மைத் தேர்வில் தேர்ச்சி பெறுபவர்களுக்கு ஆளுமைத் திறன் தேர்வு மற்றும் நேர்காணல் நடத்தப்படும்.

விண்ணப்பிக்கும் முறை
இந்த மத்திய அரசு வங்கிப் பணிக்கு விண்ணப்பிக்க விரும்புவோர், தங்களின் கல்விச் சான்றிதழ்கள், புகைப்பட நகல் மற்றும் கையெழுத்து ஆகியவற்றைத் தயார் நிலையில் வைத்துக்கொண்டு ஆன்லைன் மூலமாக மட்டுமே விண்ணப்பிக்க முடியும்.

விண்ணப்பிக்கக் கடைசித் தேதி: 21.07.2026

விண்ணப்பக் கட்டணம்: பொது, ஓபிசி மற்றும் பொருளாதார ரீதியாகப் பின்தங்கிய பிரிவினருக்கு ரூபாய் 850/- ஆகவும், எஸ்சி, எஸ்டி மற்றும் மாற்றுத்திறனாளிகளுக்கு ரூபாய் 175/- ஆகவும் நிர்ணயிக்கப்பட்டுள்ளது.

அதிகாரப்பூர்வ இணையதளம்: விருப்பமுள்ளவர்கள் www.ibps.in என்ற இணையதள முகவரிக்குச் சென்று ஆன்லைனில் தங்களது விண்ணப்பங்களைப் பதிவு செய்துகொள்ளலாம்.