கிராண்ட் செஸ் தொடர்.. 'ரேபிட்' பிரிவில் பிரக்ஞானந்தா முதலிடம் பிடித்து சாதனை!

அமெரிக்காவின் செயின்ட் லூயிஸ் நகரில் நடைபெற்று வரும் கிராண்ட் செஸ் தொடரின் ‘ரேபிட்’ சுற்று முடிவில் இந்திய கிராண்ட்மாஸ்டர் ஆர். பிரக்ஞானந்தா 12 புள்ளிகளுடன் முதலிடத்தைப் பிடித்துள்ளார்.

9-வது மற்றும் கடைசிச் சுற்று ஆட்டத்தில் கருப்பு நிறக் காய்களுடன் விளையாடிய பிரக்ஞானந்தா, நெதர்லாந்தின் ஜோர்டான் வான் பாரஸ்டிடம் 28-வது நகர்த்தலில் தோல்வியடைந்தார். கடைசி ஆட்டத்தில் தோல்வியடைந்தபோதிலும், ஒட்டுமொத்த சுற்றுகளின் முடிவில் 12 புள்ளிகளுடன் பிரக்ஞானந்தா ரேபிட் பிரிவில் முதலிடத்தைத் தக்கவைத்துக் கொண்டார்.

உஸ்பெகிஸ்தானின் ஜவோகிர் சிந்தாரோவ் (11 புள்ளிகள்) 2-வது இடத்தையும், அமெரிக்காவின் வெஸ்லி சோ (10 புள்ளிகள்) 3-வது இடத்தையும் பிடித்துள்ளனர்.

புள்ளிப் பட்டியலில் பிரக்ஞானந்தா (இந்தியா) - 12 புள்ளிகள், ஜவோகிர் சிந்தாரோவ் (உஸ்பெகிஸ்தான்) - 11 புள்ளிகள், வெஸ்லி சோ (அமெரிக்கா) - 10 புள்ளிகள், லெய்னர் டோமினிகஸ், அனிஷ் கிரி, லெவோன் அரோனியன், வின்சென்ட் கீமர் – தலா 9 புள்ளிகள், பாபியானோ கருனா, ஜோர்டான் வான் பாரஸ்ட் -  தலா 8 புள்ளிகள். இதனைத் தொடர்ந்து அடுத்த கட்டமாக 18 சுற்றுகள் கொண்ட 'பிளிட்ஸ் பிரிவு போட்டிகள் தொடங்கவுள்ளன.