தூய்மைப் பணியாளர்களுடன் அமைச்சர்கள் குழு இன்று பேச்சுவார்த்தை!

சென்னை மாநகராட்சி அலுவலக வளாகத்தில் பல்வேறு கோரிக்கைகளை வலியுறுத்தித் தொடர் போராட்டத்தில் ஈடுபட்டு வரும் தூய்மைப் பணியாளர்களுடன் தமிழக அமைச்சர்கள் குழு இன்று பேச்சுவார்த்தை நடத்தவுள்ளது.

பணி நிரந்தரம், ஊதிய உயர்வு உள்ளிட்ட பல்வேறு நியாயமான கோரிக்கைகளை முன்வைத்துத் தூய்மைப் பணியாளர்கள் சென்னை மாநகராட்சி அலுவலக வளாகத்தில் தொடர் போராட்டத்தில் ஈடுபட்டு வருகின்றனர்.

தூய்மைப் பணியாளர்களின் போராட்டத்திற்குத் தீர்வு காணும் வகையில், அமைச்சர்கள் ஆனந்த், ஆதவ் அர்ஜுனா, நிர்மல் மற்றும் ராஜ்மோகன் ஆகியோர் அடங்கிய அமைச்சர்கள் குழு இன்று தூய்மைப் பணியாளர்களை நேரில் சந்தித்துப் பேச்சுவார்த்தை நடத்தவுள்ளது.

இந்தப் போராட்டத்தில் ஈடுபட்டுள்ள தூய்மைப் பணியாளர்கள், முதலமைச்சர் விஜய் தங்களை நேரில் சந்தித்துப் பேச்சுவார்த்தை நடத்த வேண்டும் என்றும் தொடர்ந்து வலியுறுத்தி வருவது குறிப்பிடத்தக்கது.