ஜப்பானின் நகோயா நகரில் நடைபெறும் 2026 ஆசிய பாரா விளையாட்டுப் போட்டியில், இந்திய வீரர் ஹேனி ஈட்டி எறிதலில் உலக சாதனை படைத்து தங்கப் பதக்கம் வென்றுள்ளார். ஆடவர் F37/38 பிரிவில் 60.49 மீட்டர் தூரம் ஈட்டி எறிந்த அவர், 1,116 ரேசா புள்ளிகளையும் பெற்றார்.

View this post on Instagram

A post shared by Shreeom Kumar (@iasworldofficial)

60.49 மீட்டர் தூரம் எறிந்து சாதனை

ஆடவர் F37/38 ஈட்டி எறிதல் இறுதிப் போட்டியில் ஹேனி தனது அபாரமான செயல்பாட்டால் முதலிடம் பிடித்தார். அவர் எறிந்த 60.49 மீட்டர் தூரம் உலக சாதனையாகப் பதிவானது. இதன் மூலம் இந்தியாவுக்கு மேலும் ஒரு தங்கப் பதக்கம் கிடைத்துள்ளது.

ஈரானைச் சேர்ந்த ஹார்மோஸ் செய்டிகாஸ்பவுன்ஜி 50.68 மீட்டர் தூரம் எறிந்து வெள்ளிப் பதக்கம் வென்றார். சீன வீரர் யூ செங்ஜி 53.66 மீட்டர் தூரம் எறிந்து வெண்கலப் பதக்கத்தைப் பெற்றதுடன், ஆசிய சாதனையையும் பதிவு செய்தார்.

100 பதக்கங்களைக் கடந்த இந்தியா

இந்த ஆசிய பாரா விளையாட்டுப் போட்டியில் இந்திய வீரர், வீராங்கனைகள் தொடர்ந்து பதக்கங்களை வென்று வருகின்றனர். ஹேனியின் உலக சாதனைத் தங்கத்தின் மூலம் இந்தியாவின் பதக்க வேட்டையில் மேலும் ஒரு முக்கிய வெற்றி பதிவாகியுள்ளது.

அக்டோபர் 23-ம் தேதி வெளியான செய்திகளின்படி, இந்தியாவின் மொத்தப் பதக்க எண்ணிக்கை 100-ஐக் கடந்துள்ளது. உலக சாதனையுடன் தங்கம் வென்ற ஹேனியின் சாதனை இந்திய அணிக்கு மேலும் பெருமை சேர்த்துள்ளது.