இன்று வெளியாகிறது ’ஹரா’ டீசர்... ’வெள்ளிவிழா நாயகன்’ மைக் மோகன் ரீ- எண்ட்ரி!
கையில ஒரு மைக் வெச்சுக்கிட்டு எல்லா படத்தையும் ஹிட் ஆக்கிடறான்ப்பா என்று 80களில் ரசிகர்கள் மோகனைப் பற்றி பேசிக் கொண்டார்கள். அவர்கள் சொன்னது போல ரஜினிக்கு பயத்தை உண்டாக்கியது மோகனின் படங்கள். அத்தனைப் படங்களும் மெகா ஹிட். பெரிதாக கதைகள் இல்லாத படங்களிலும் கூட எல்லா பாடல்களுமே ஹிட். இளையராஜா, மோகனின் படங்களுக்கு பிரத்யேகமாக பாடல்கள் போட்டிருப்பார் போல. இத்தனை வருடங்கள் கழித்து ஹீரோவாக களமிறங்குகிறார் மைக் மோகன்.
இயக்குநர் விஜய் ஸ்ரீ ஜியின் ‘ஹரா’-வின் டீசர் இன்று ஏப்ரல் 14 வெளியாகிறது.பதினான்கு வருடங்களுக்கு பிறகு அதிரடி ஆக்ஷன் வேடத்தில் நடிகர் மோகன் ரீ-என்ட்ரி கொடுக்கும் ‘ஹரா’ திரைப்படத்தில் அவரது ஜோடியாக பிரபல மலையாள நடிகை அனுமோல் நடிக்கிறார். டீசரை தொடர்ந்து திரைப்படம் விரைவில் திரையரங்களில் வெளியாகவுள்ளது, அதுவும் பான் இந்தியா படமாக தமிழ், தெலுங்கு, மலையாளம் மற்றும் கன்னட மொழிகளில் வெளியாகிறது.
‘ஹரா’ திரைப்படத்தின் அதிரடி முதல் பார்வை மற்றும் டைட்டில் டீசர் பரபரப்பை ஏற்படுத்தியதை தொடர்ந்து ஏஜிஎஸ் என்டர்டெயின்மென்ட் தயாரிப்பில் வெங்கட் பிரபு இயக்கத்தில் ‘தளபதி’ விஜய் நடிக்கும் ‘கோட்’ திரைப்படத்தில் எதிர் நாயகனாக நடிக்க மோகன் நடிப்பது குறிப்பிடத்தக்கது.‘ஹரா’ குறித்து பேசிய இயக்குநர் விஜய் ஸ்ரீ ஜி, “மோகனின் அதிரடி நடிப்பு மிகவும் பேசப்படும்,” என்றார். சிறப்பான பங்களிப்பை அனுமோல் வழங்கி உள்ளதாகவும் அவரது கதாபாத்திரமும் பேசப்படும் என்றும் இயக்குநர் விஜய் ஸ்ரீ ஜி தெரிவித்தார்.
‘காலங்களில் அவள் வசந்தம்’ புகழ் கௌஷிக் மற்றும் ‘பவுடர்’ நாயகி அனித்ரா நாயர் மற்றொரு ஜோடியாக நடித்துள்ளனர். “கோத்தகிரியில் விறுவிறுப்பாக நடைபெற்று வந்த இறுதி கட்ட படபிடிப்பு வெற்றிகரமாக நிறைவடைந்தது. இதைத் தொடர்ந்து போஸ்ட் புரொடக்ஷன் பணிகளும் முடிந்து படம் வெளியீட்டுக்கு தயாராக உள்ளது. விரைவில் திரையரங்குகளில் ‘ஹரா’ வெளியாகும்,” என்று கூறினார். ‘ஹரா’ திரைப்படத்தில் யோகி பாபு, சாருஹாசன், சுரேஷ் மேனன், வனிதா விஜயகுமார், மொட்டை ராஜேந்திரன், சிங்கம்புலி, தீபா, மைம் கோபி, சாம்ஸ் மற்றும் சந்தோஷ் பிரபாகர் உள்ளிட்ட ஏராளமான நடிகர்கள் நடித்துள்ளனர்
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!