பெண்களுக்கு ஜாக்பாட் அடிச்சாச்சு.. இனி மாதம் ரூ.2,500 பட்ஜெட் கூட்டத்தொடரில் அறிவிப்பு வெளியாக வாய்ப்பு!

தமிழகத்தில் உள்ள கோடிக்கணக்கான இல்லத்தரசிகள் மற்றும் தாய்மார்களின் நீண்ட நாள் எதிர்பார்ப்புகளை நிறைவேற்றும் வகையில், தமிழக அரசின் மிக முக்கியத் திட்டமான மகளிர் உரிமைத்தொகை குறித்து ஒரு மிகப்பெரிய அப்டேட் தற்போது வெளியாகியுள்ளது. தமிழக வெற்றிக் கழக (தவெக) அரசின் தேர்தல் கால வாக்குறுதிப்படி, 'மதிப்புமிகு மகளிர் திட்டம்' என்ற பெயரில் தகுதியுள்ள பெண்களுக்கு வழங்கப்பட்டு வரும் மாதாந்திர உரிமைத்தொகையை அசுர வேகத்தில் உயர்த்தி வழங்க அரசு  திட்டமிட்டுள்ளது.

அதன்படி, பெண்களுக்கு வழங்கப்பட்டு வரும் தொகையை விடக் கூடுதலாக உயர்த்தி, மாதம் ₹2,500 ஆக வழங்குவது குறித்து மாநில நிதித்துறை அதிகாரிகள் தீவிரமான ஆய்வறிக்கை மற்றும் விரிவான திட்ட வரைபடத்தைத் தயாரித்து வருகின்றனர்.

அரசின் இந்த திட்டம் தங்கு தடையின்றிச் செயல்பாட்டுக்கு வந்தால், தமிழகத்தில் உள்ள முன்னுரிமை மற்றும் முன்னுரிமையற்ற என்று பிரிக்கப்பட்டுள்ள அனைத்து விதமான குடும்ப அட்டைகளின் (ரேஷன் கார்டு) அடிப்படையில் சுமார் 2 கோடிக்கும் அதிகமான ஏழை, எளிய குடும்பத் தலைவிகளுக்கு இந்த மாபெரும் விரிவாக்கம் நேரடியாகச் சென்றடையும் எனத் தெரிகிறது.

சுமார் 2 கோடி பெண்களுக்கு மாதம் தலா 2,500 ரூபாய் வீதம் இந்தத் திட்டத்தை முழுமையாகக் கொண்டு சேர்க்கும் பட்சத்தில், தமிழக அரசுக்கு ஒட்டுமொத்தமாக ஏற்படப்போகும் கூடுதல் நிதிச் செலவினங்கள் மற்றும் நிதி ஒதுக்கீடு குறித்து நிதித்துறை அலசி ஆராய்ந்து வருகிறது.

இந்த நிதி கணக்கீடுகள் அனைத்தும் இறுதி செய்யப்பட்டதும், விடுபட்ட தகுதியான புதிய பெண்களையும் உள்ளடக்கி, வரவிருக்கும் பட்ஜெட் கூட்டத்தொடரில் இதற்கான அதிகாரப்பூர்வ அரசாணை மற்றும் வரலாற்றுச் சிறப்புமிக்க அறிவிப்பு முதலமைச்சர் விஜய் தரப்பில் இருந்து வெளியாகப் பிரகாசமான வாய்ப்புள்ளது. தவெக அரசின் இந்த  திட்ட விரிவாக்கத் தகவல் தமிழக இல்லத்தரசிகள் மத்தியில் பெரும் மகிழ்ச்சியையும், மட்டற்ற உற்சாகத்தையும் ஏற்படுத்தியுள்ளது.