“தொகுதி மாறி நிற்க ஸ்டாலினிடம் கூறினேன்” - தொல். திருமாவளவன் பகிரங்கப் பேச்சு!

இந்தியத் தலைமை தேர்தல் ஆணையர் ஞானேஷ் குமார் பதவி விலகக் கோரி சென்னையில் நடைபெற்ற 'இந்தியா' கூட்டணி கண்டன ஆர்ப்பாட்டத்தில் விடுதலைச் சிறுத்தைகள் கட்சியின் தலைவர் தொல். திருமாவளவன் கலந்துகொண்டு உரையாற்றினார். அப்போது பேசிய அவர், கடந்த சட்டமன்றத் தேர்தலில் கொளத்தூர் தொகுதியில் ஸ்டாலின் வெற்றி பெறுவது கடினம் என்பதால் அவரை வேறு தொகுதிக்கு மாறி நிற்குமாறு தாம் அறிவுறுத்தியிருந்ததாகவும், சிறப்பு தீவிர திருத்தம் முறை மூலமாகவே அவர் அப்போது தோற்கடிக்கப்பட்டார் என்றும் பகிரங்கமாகக் குற்றஞ்சாட்டியுள்ளார்.

தேர்தல் ஆணையத்தின் செயல்பாடுகளைக் கண்டித்தும், வாக்காளர் பட்டியல் திருத்த விவகாரத்தில் வெளிப்படைத்தன்மை வேண்டும் என்பதை வலியுறுத்தியும் சென்னையில் 'இந்தியா' கூட்டணி சார்பில் இன்று மாபெரும் ஆர்ப்பாட்டம் நடைபெற்றது. இதில் கலந்துகொண்டு பேசிய விசிக தலைவர் திருமாவளவன், கடந்த காலத் தேர்தல் கள அனுபவங்களையும் தற்போதைய அரசியல் சூழலையும் மையமாகக் கொண்டு பல முக்கியக் கருத்துகளைப் பதிவு செய்தார்.

அப்போது அவர் பேசுகையில், கடந்த சட்டமன்றத் தேர்தலின் போது கொளத்தூர் தொகுதியில் தற்போதைய சூழலில் வெற்றி பெறுவது எளிதல்ல என்றும், எனவே அப்போதைய முதலமைச்சரும் திமுக தலைவருமான மு.க.ஸ்டாலினை வேறு பாதுகாப்பான தொகுதிக்கு மாறி நிற்குமாறும் தாம் கூறியிருந்ததாகத் தெரிவித்தார். மேலும், கொளத்தூர் தொகுதியில் SIR நடைமுறைகளைப் பயன்படுத்தித் திட்டமிட்டே மு.க.ஸ்டாலின் தோற்கடிக்கப்பட்டார் என்றும் அவர் குற்றச்சாட்டை முன்வைத்தார்.

தேர்தல் முறை மற்றும் வாக்காளர் பட்டியல் திருத்தங்களில் உள்ள குளறுபடிகள் குறித்து எதிர்க்கட்சிகள் தொடர்ந்து எழுப்பி வரும் சந்தேகங்களுக்கு வலுசேர்க்கும் வகையில் திருமாவளவனின் இந்தப் பேச்சு அரசியல் அரங்கில் பெரும் பரபரப்பை ஏற்படுத்தியுள்ளது.