ICSE மற்றும் ISC தேர்வு முடிவுகள் வெளியானது... ரிசல்ட் பார்ப்பது எப்படி? மதிப்பெண் சான்றிதழ் குறித்த முக்கிய விபரங்கள்!

 By Seetha Apr 30, 2026, 13:50 IST
ஐசிஎஸ்இ ஐசிஎஸ்இ

மத்திய இந்திய பள்ளிச் சான்றிதழ் தேர்வுகள் வாரியம் (CISCE) திட்டமிட்டபடி இன்று காலை 11 மணிக்கு 10-ஆம் வகுப்பு (ICSE) மற்றும் 12-ஆம் வகுப்பு (ISC) பொதுத்தேர்வு முடிவுகளை அதிகாரப்பூர்வமாக வெளியிட்டுள்ளது. நாடு முழுவதும் உள்ள ஆயிரக்கணக்கான பள்ளிகளைச் சேர்ந்த மாணவர்கள் இந்த முடிவுகளைத் தற்போது இணையதளத்தில் அறிந்து கொள்ளலாம்.

மாணவர்கள் தங்களது முடிவுகளைக் கீழ்க்கண்ட எளிய முறைகள் மூலம் தெரிந்து கொள்ளலாம்: வாரியத்தின் அதிகாரப்பூர்வ இணையதளமான cisce.org அல்லது results.cisce.org பக்கத்திற்குச் செல்லவும். முகப்புப் பக்கத்தில் உங்கள் வகுப்பைத் (ICSE/ISC) தேர்வு செய்து, உங்களுக்கான Unique ID, Index Number மற்றும் திரையில் தோன்றும் Captcha குறியீட்டை உள்ளிடவும்.

தேர்வு முடிவுகள்

'Show Result' பொத்தானைச் சொடுக்கினால் உங்கள் மதிப்பெண் பட்டியல் திரையில் தோன்றும். எதிர்கால உயர்கல்வித் தேவைகளுக்காக உங்கள் மதிப்பெண் பட்டியலைப் பதிவிறக்கம் செய்து, ஒரு பிரிண்ட் அவுட் (Printout) எடுத்து வைத்துக்கொள்ளவும்.

இணைய வசதி இல்லாதவர்கள் எஸ்.எம்.எஸ் (SMS) மூலமாகவும் முடிவுகளைப் பெறலாம். ICSE (10th): ICSE  7 இலக்க Unique ID-யை டைப் செய்து 09248082883 என்ற எண்ணிற்கு அனுப்பவும். ISC (12th): ISC  7 இலக்க Unique ID-யை டைப் செய்து 09248082883 என்ற எண்ணிற்கு அனுப்பவும்.

சிபிஎஸ்இ மாணவிகள் தேர்வு முடிவுகள் ரிசல்ட்

தேர்வு முடிவுகள் வெளியான 48 மணி நேரத்திற்குப் பிறகு, மாணவர்கள் தங்களது டிஜிட்டல் மதிப்பெண் சான்றிதழ் மற்றும் இடமாற்றுச் சான்றிதழ் (Migration Certificate) ஆகியவற்றை DigiLocker செயலி மூலம் பதிவிறக்கம் செய்து கொள்ளலாம். இது உயர்கல்விச் சேர்க்கையின் போது அதிகாரப்பூர்வ ஆவணமாக ஏற்றுக்கொள்ளப்படும்.

தங்கள் மதிப்பெண்களில் திருப்தி இல்லாத மாணவர்கள், இன்று முதல் வரும் மே 7-ஆம் தேதி வரை ஆன்லைன் வாயிலாக மறுமதிப்பீட்டிற்கு விண்ணப்பிக்கலாம். இதற்கான கட்டண விபரங்கள் இணையதளத்தில் வழங்கப்பட்டுள்ளன.