மாதம் ₹10,000 கட்டினால் லட்சங்களில் ரிட்டர்ன்.. இந்த திட்டம் யார் யாருக்கு ஏற்றது?!

சிறு மற்றும் நடுத்தர வர்க்கத்தினர் தங்களது எதிர்கால நிதித் தேவைகளுக்காகவும், பாதுகாப்பான முதலீட்டிற்காகவும் அஞ்சலகத் தொடர் வைப்பு நிதி திட்டத்தை அதிக அளவில் பயன்படுத்தத் தொடங்கியுள்ளனர். குறைந்தபட்ச முதலீட்டில் லட்சக்கணக்கில் லாபம் தரும் இத்திட்டத்தின் சிறப்பம்சங்களைத் தெரிஞ்சுக்கோங்க. 

அஞ்சலக RD திட்டம் என்பது 5 ஆண்டுகால முதிர்வு காலத்தைக் கொண்டது. இதில் முதலீட்டாளர்கள் தங்களுக்கு வசதியான தொகையை (குறைந்தபட்சம் ₹100-லிருந்து) மாதந்தோறும் சேமிக்கலாம். நீங்கள் மாதந்தோறும் ₹10,000 முதலீடு செய்கிறீர்கள் என்று வைத்துக்கொள்வோம். மாதாந்திர முதலீடு: ₹10,000 முதலீட்டுக் காலம்: 5 ஆண்டுகள் (60 மாதங்கள்) மொத்த முதலீடு: ₹6,00,000 தற்போதைய வட்டி விகிதம்: 6.7% (காலாண்டுக்கு ஒருமுறை கணக்கிடப்படும்) கிடைக்கும் வட்டித் தொகை: ₹1,13,659 முதிர்வுத் தொகை (Maturity Value): ₹7,13,659

இது மத்திய அரசின் கீழ் வரும் திட்டம் என்பதால், சந்தை ஏற்ற இறக்கங்கள் உங்களது முதலீட்டைப் பாதிக்காது. 100% பாதுகாப்பானது. ₹10,000 தான் செலுத்த வேண்டும் என்ற அவசியமில்லை. மாதம் ₹500 அல்லது ₹1,000 செலுத்தி கூட நீங்கள் சேமிப்பைத் தொடங்கலாம். கணக்கு தொடங்கி ஒரு வருடம் முடிவடைந்த பிறகு, உங்களது வைப்புத் தொகையில் 50% வரை கடனாகப் பெற்றுக்கொள்ளும் வசதி உள்ளது.

5 ஆண்டுகள் முடிந்த பிறகும், நீங்கள் விரும்பினால் மேலும் 5 ஆண்டுகளுக்கு இந்தக் கணக்கை நீட்டித்துக் கொள்ளலாம். மாதச் சம்பளம் பெறுபவர்கள், மாதந்தோறும் ஒரு குறிப்பிட்ட தொகையை ஒதுக்க விரும்புவோருக்கு இது மிகச் சிறந்த தேர்வாகும்.

குழந்தைகளின் எதிர்காலத் தேவைகளுக்காகச் சிறு வயதிலிருந்தே சேமிக்கத் திட்டமிடுபவர்களுக்கு இது பாதுகாப்பான வழியாகும். பங்குச் சந்தை போன்ற அபாயகரமான முதலீடுகளில் ஈடுபட விரும்பாதவர்கள் தபால் அலுவலகத்தை முழுமையாக நம்பலாம்.