ஐபிஎல் 2026: 2ம் கட்ட அட்டவணை வெளியீடு - ஏப்.13 முதல் அனல் பறக்கும் மோதல்கள் - முழு லிஸ்ட்!

2026ம் ஆண்டுக்கான ஐபிஎல் கிரிக்கெட் தொடரின் விறுவிறுப்பான இரண்டாம் கட்டப் போட்டிகளுக்கான அட்டவணையை பிசிசிஐ இன்று வெளியிட்டுள்ளது. லீக் சுற்றின் எஞ்சியுள்ள 50 போட்டிகள் இந்தியாவின் 12 முக்கிய நகரங்களில் நடைபெறவுள்ளன.

இரண்டாம் கட்டப் போட்டிகள் வரும் ஏப்ரல் 13, 2026 அன்று தொடங்கி மே 24, 2026 வரை நடைபெற உள்ளன. ஏப்ரல் 13ம் தேதி ஹைதராபாத்தில் நடைபெறும் முதல் ஆட்டத்தில் சன்ரைசர்ஸ் ஹைதராபாத் மற்றும் ராஜஸ்தான் ராயல்ஸ் அணிகள் மோதவுள்ளன. 

இந்த இரண்டாம் கட்டத்தில் மொத்தம் 8 'டபுள் ஹெடர்' போட்டிகள் நடைபெறுகின்றன. மதிய நேரப் போட்டிகள் 3:30  மணிக்கும், இரவு நேரப் போட்டிகள் 7:30 மணிக்கும் துவங்கும். இந்த முறை இரண்டாம் கட்டப் போட்டிகள் சென்னை உட்பட 12 நகரங்களில் நடத்தப்பட உள்ளன. சென்னை, மும்பை, பெங்களூரு, கொல்கத்தா, டெல்லி , அகமதாபாத் , ஹைதராபாத் , லக்னோ, ஜெய்ப்பூர், தர்மசாலா, ராய்ப்பூர், நியூ சண்டிகர் ஆகிய இடங்களில் நடைபெற உள்ளது.

தனது உள்ளூர் போட்டிகளை நியூ சண்டிகர் மற்றும் தர்மசாலாவில் விளையாடும். இதில் தர்மசாலாவில் மட்டும் 3 போட்டிகள் நடைபெற உள்ளன. ராஜஸ்தான் ராயல்ஸ் ஜெய்ப்பூரில் 4 உள்ளூர் போட்டிகளில் விளையாட உள்ளது. ராயல் சேலஞ்சர்ஸ் பெங்களூருவில் 3 போட்டிகளிலும், சத்தீஸ்கர் மாநிலம் ராய்ப்பூரில் 2 போட்டிகளிலும் தனது உள்ளூர் ஆட்டங்களை விளையாட உள்ளது.

லீக் சுற்றின் இறுதிப் பகுதியில் அணிகளுக்கு இடையேயான போட்டி கடுமையாக இருக்கும் என்பதால், ரசிகர்கள் மத்தியில் பெரும் எதிர்பார்ப்பு ஏற்பட்டுள்ளது. பிளே-ஆஃப் மற்றும் இறுதிப் போட்டிகள் நடைபெறும் இடங்கள் குறித்த அறிவிப்பை பிசிசிஐ பின்னர் அறிவிக்கும் எனத் தெரிவிக்கப்பட்டுள்ளது.

டாடா ஐபிஎல் 2026 தொடரின் இரண்டாம் கட்டத்திற்கான (Phase 2) முழுமையான போட்டி அட்டவணை இதோ. ஏப்ரல் 13 முதல் மே 24 வரை நடைபெறவுள்ள லீக் சுற்றின் எஞ்சிய 50 போட்டிகளின் விபரங்கள்.

ஐபிஎல் 2026 - இரண்டாம் கட்டப் போட்டி அட்டவணை (ஏப்ரல் 13 - மே 24)

மே மாதப் போட்டிகள் (முக்கியக் கட்டம்):

பஞ்சாப் கிங்ஸ் அணி தனது கடைசி மூன்று போட்டிகளை தர்மசாலாவில் விளையாடும். ராயல் சேலஞ்சர்ஸ் பெங்களூரு அணி தனது இரண்டு போட்டிகளைச் சத்தீஸ்கரின் ராய்ப்பூரில் விளையாடும். லீக் சுற்று மே 24-உடன் நிறைவடைகிறது. பிளே-ஆஃப் மற்றும் இறுதிப் போட்டி நடைபெறும் இடங்கள் பின்னர் அறிவிக்கப்படும்.