தேவாலய இறுதிச்சடங்கில் துப்பாக்கிச் சூடு: 7 பேர் பலி; 34 பேர் காயம்
ஜோர்டானின் கரக் மாகாணத்தில் உள்ள ஹமூத் கிராமத்தில், கிரேக்க ஆர்த்தடாக்ஸ் தேவாலயத்தில் வெள்ளிக்கிழமை இறுதிச்சடங்கு நடைபெற்றது. அப்போது அங்கு வந்த ஆயுதம் ஏந்திய மர்ம நபர்கள் துப்பாக்கிச் சூடு நடத்தியதில் 7 பேர் உயிரிழந்தனர். 34 பேர் காயமடைந்ததாக அதிகாரிகள் தெரிவித்துள்ளனர்.
தாக்குதலைத் தொடர்ந்து, சம்பந்தப்பட்டவர்களைத் தேடும் பணி நடைபெற்று வருகிறது. தாக்குதலுக்கான பின்னணி மற்றும் இதில் ஈடுபட்டவர்களின் தொடர்புகள் குறித்து விசாரணை நடத்தப்படுகிறது. இதுவரை எந்த அமைப்பும் தாக்குதலுக்குப் பொறுப்பேற்கவில்லை.
சம்பவத்துக்கு ஜோர்டான் மன்னர் இரண்டாம் அப்துல்லா கண்டனம் தெரிவித்துள்ளார். உயிரிழந்தவர்களின் குடும்பங்களுக்கு இரங்கல் தெரிவித்த அவர், குற்றவாளிகள் மீது கடுமையான நடவடிக்கை எடுக்கப்படும் எனக் கூறியுள்ளார். இந்தச் சம்பவத்தைத் தொடர்ந்து ஜோர்டானில் மூன்று நாள் தேசிய துக்கம் அறிவிக்கப்பட்டுள்ளது.