ஜெ.பி. நட்டா மருத்துவமனையில் அனுமதி... தொண்டர்கள் அதிர்ச்சி!
மத்திய சுகாதாரத்துறை அமைச்சர் ஜெ.பி. நட்டா திடீர் உடல்நலக் குறைவு காரணமாக டெல்லியில் உள்ள எய்ம்ஸ் மருத்துவமனையில் சிகிச்சைக்காக அனுமதிக்கப்பட்டுள்ளார். அவருக்கு மேற்கொள்ளப்பட்ட பரிசோதனைகளின் முடிவில் இதயத் தொடர்பான சில பரிசோதனைகள் செய்யப்பட்டன. மருத்துவ நிபுணர்கள் குழுவினர் அவரைத் தொடர்ந்து கண்காணித்து உரிய சிகிச்சைகளை வழங்கி வருகின்றனர்.
மருத்துவமனையில் அனுமதிக்கப்பட்ட அவருக்கு இதய இரத்த நாளப் பரிசோதனையான ஆஞ்சியோகிராம் பரிசோதனை வெற்றிகரமாகச் செய்யப்பட்டது. கடந்த 13ஆம் தேதி மாலை இந்தப் பரிசோதனை மேற்கொள்ளப்பட்டதாக மருத்துவமனை தரப்பில் அதிகாரப்பூர்வமாகத் தெரிவிக்கப்பட்டுள்ளது. பரிசோதனைக்குப் பிறகு அவரது உடல்நிலை சீராக இருப்பதாகவும் மருத்துவர்கள் மகிழ்ச்சித் தகவல் தெரிவித்துள்ளனர்.
இதயவியல் துறையின் சிறப்பு மருத்துவர்கள் கண்காணிப்பில் அவர் தொடர்ந்து மருத்துவமனையில் ஓய்வெடுத்து வருகிறார். அமைச்சர் நட்டா உடல்நலக்குறைவால் மருத்துவமனையில் அனுமதிக்கப்பட்ட செய்தி அரசியல் வட்டாரத்திலும் பொதுமக்களிடையேயும் பரவியுள்ளது. அவர் விரைவில் முழு நலம் பெற்று வீடு திரும்புவார் என அரசியல் தலைவர்களும் தொண்டர்களும் வாழ்த்துகளைத் தெரிவித்து வருகின்றனர்.