கார்த்திகை தீபத் திருவிழா...திருவண்ணாமலைக்கு நவம்பர் 23 முதல் சிறப்பு ரயில்கள்!

 
திருவண்ணாமலை

 

திருவண்ணாமலை கார்த்திகை தீபத் திருவிழாவை முன்னிட்டு, பக்தர்களின் கூட்ட நெரிசலைக் குறைக்கும் வகையில் சிறப்பு ரயில்கள் இயக்கப்பட உள்ளதாக தெற்கு ரயில்வே அறிவித்துள்ளது.

திருவண்ணாமலை கார்த்திகை மகா தீபம்

இதன்படி, நவம்பர் 23, 24, 25 ஆகிய தேதிகளில் சென்னை கடற்கரை ரயில் நிலையத்தில் இருந்து காலை 6.20 மணிக்குப் புறப்படும் சிறப்பு ரயில், காலை 11.40 மணிக்கு திருவண்ணாமலை சென்றடையும். மறுமார்க்கத்தில் இரவு 11.55 மணிக்குப் புறப்பட்டு, மறுநாள் அதிகாலை 4.30 மணிக்கு சென்னை கடற்கரை வந்தடையும்.

மேலும், தாம்பரத்தில் இருந்து காலை 9.15 மணிக்குப் புறப்படும் ரயில் மதியம் 1.30 மணிக்கு திருவண்ணாமலை சென்றடையும். மறுமார்க்கத்தில் இரவு 10.25 மணிக்குப் புறப்பட்டு, மறுநாள் அதிகாலை 2.30 மணிக்கு தாம்பரம் வந்தடையும்.

ரயில் திருவண்ணாமலை பெளர்ணமி தீபம் கிரிவலம்

இதுதவிர, திருவண்ணாமலை - காட்பாடி, திருவண்ணாமலை - விழுப்புரம் இடையிலும் பல்வேறு நேரங்களில் சிறப்பு ரயில்கள் இயக்கப்பட உள்ளன. இந்த ரயில்கள் அனைத்தும் முன்பதிவில்லா சிறப்பு ரயில்களாக இயக்கப்படும் என தெற்கு ரயில்வே தெரிவித்துள்ளது.

முக்கிய ரயில் நேரங்கள்

வழித்தடம்

புறப்படும் நேரம்

சென்றடையும் நேரம்

சென்னை கடற்கரை → திருவண்ணாமலை

காலை 6.20

காலை 11.40

தாம்பரம் → திருவண்ணாமலை

காலை 9.15

மதியம் 1.30

திருவண்ணாமலை → காட்பாடி

மதியம் 12.35

மதியம் 3.00

திருவண்ணாமலை → விழுப்புரம்

மதியம் 3.00

மாலை 4.20