திருமண ஆசைகாட்டி பெண்களிடம் மோசடி? 58 வயது நபர் கேரளாவில் கைது!

கேரளாவில் திருமணம் செய்து கொள்வதாகக் கூறி பல பெண்களை ஏமாற்றி, பணம் மற்றும் தங்க நகைகளைப் பறித்ததாகக் குற்றம் சாட்டப்பட்ட 58 வயது நாதிர்ஷா அப்துல்லாவை எர்ணாகுளம் போலீசார் கைது செய்துள்ளனர்.

கண்ணூர் மாவட்டம் கூத்துப்பரம்பைச் சேர்ந்த இவர், கடந்த ஆகஸ்ட் மாதம் அளிக்கப்பட்ட புகாரின் அடிப்படையில் கைது செய்யப்பட்டதாகத் தெரிவிக்கப்பட்டுள்ளது. கேரளாவின் பல்வேறு மாவட்டங்களில் இதேபோன்ற மோசடிகளில் ஈடுபட்டதாக அவர் மீது குற்றச்சாட்டு எழுந்துள்ளது. பாதிக்கப்பட்டவர்கள் புகார் அளிக்காததால், அவர் நீண்ட நாட்களாக போலீசாரிடம் சிக்காமல் இருந்ததாகக் கூறப்படுகிறது. இந்த வழக்கில் போலீசார் தொடர்ந்து விசாரணை நடத்தி வருகின்றனர்