மாம்பழம் பறித்த சிறுவர்கள்.. ஆத்திரத்தில் தோசை கரண்டியால் சூடு வைத்த கொடூர பெண்!
கன்னியாகுமரி மாவட்டம் கொல்லங்கோட்டில் மாம்பழம் பறித்த குழந்தைகளை பெண் ஒருவர் தாக்கிய சம்பவம் பெரும் பரபரப்பை ஏற்படுத்தியுள்ளது. குமரி மாவட்டம் கொல்லங்கோடு பேரூராட்சியில் உள்ளது மஞ்சுதோப்பு பகுதி. இந்த பகுதியில் வசிப்பவர்கள் அருள்தாஸ் மற்றும் ஸ்ருதி. இவர்களுக்கு, 8 மற்றும் 10 வயதில் இரண்டு மகன்கள் உள்ளனர்.இதில், கடந்த 9ம் தேதி, இவர்களது வீட்டின் அருகே உள்ள கலா என்பவர், வீட்டின் முன் உள்ள மாமரத்தில், 2 மாங்காய்களை பறித்து, அப்பகுதியில் சாப்பிட்டார்.
இதைப் பார்த்த கலா என்ற பெண் 2 குழந்தைகளையும் பிடித்து தனது வீட்டில் உள்ள நாற்காலியில் கட்டி தோசை சுடக் கூடிய இரும்பு கரண்டியை சூடாக்கி குழந்தைகளின் காலில் வைத்துள்ளார். குழந்தைகளை அடித்து துன்புறுத்தியதாகவும் கூறப்படுகிறது. பின்னர் வீடு திரும்பிய அவர்கள் சைக்கிளில் இருந்து தவறி விழுந்ததாக அந்த பெண்ணுக்கு பயந்து பெற்றோர்களிடம் குழந்தைகள் கூறியுள்ளனர். மாலையில், குழந்தைகள் இருவரும் வலி தாங்க முடியாமல் தவிப்பதைப் பார்த்த பெற்றோர், குழந்தைகளை அருகில் உள்ள மருத்துவமனைக்கு அழைத்துச் சென்றனர்.
அப்போது குழந்தையின் பெற்றோரிடம் மருத்துவர், தீக்காயம் என்று கூறினார். இதையடுத்து மருத்துவரின் ஆலோசனையின் பேரில் குழந்தைகளிடம் பேசி உண்மையை பெற்றோர்கள் கண்டுபிடித்தனர். இதையடுத்து, குழந்தைகள் கொடுத்த தகவலின் பேரில், பெற்றோர் காவல் நிலையத்தில் புகார் அளித்தனர். கலா என்ற பெண்ணிடம் போலீசார் விசாரணை நடத்தி வருகின்றனர். இதுவரை எந்த வழக்கும் பதிவு செய்யப்படவில்லை என்று காவல்துறை தரப்பில் கூறப்படுகிறது. மாம்பழம் பறித்ததற்காக பெண் குழந்தைகளை அடித்து உதைத்த சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது. கொடூர செயலில் ஈடுபட்ட பெண் மீது உரிய நடவடிக்கை எடுக்க வேண்டும் என மக்கள் வலியுறுத்தி வருகின்றனர்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!