பிரபல பெண்ணுரிமைப் போராளி குளோரியா ஸ்டீனம் காலமானார் - உலகளாவிய இரங்கல்!

அமெரிக்காவின் பிரபல எழுத்தாளரும் மூத்த பெண்ணுரிமைப் போராளியுமான குளோரியா ஸ்டீனம் தனது 92-வது வயதில் நியூயார்க் நகரில் காலமானார்.

கடந்த 1960 மற்றும் 1970-களில் அமெரிக்காவில் நடைபெற்ற இரண்டாம் அலை பெண்ணுரிமை இயக்கத்தின் மிக முக்கிய முகமாக இவர் திகழ்ந்தார். பெண்களின் சமத்துவம் மற்றும் இனப்பெருக்க உரிமைகள் உள்ளிட்ட பல்வேறு உரிமைகளுக்காகப் பல தசாப்தங்களாகத் தொடர்ச்சியாகக் குரல் கொடுத்து வந்தார். பெண்களுக்கெனத் பிரத்யேகமாகத் தொடங்கப்பட்ட புகழ்பெற்ற 'Ms.' இதழின் இணை நிறுவனராகவும் இவர் சிறப்பான முறையில் செயல்பட்டார்.

பெண்களின் உரிமைகளுக்காகவும் சமூக மாற்றத்திற்காகவும் இவர்ாற்றிய தொடர் பணிகளைப் பாராட்டி, கடந்த 2013-ஆம் ஆண்டில் அமெரிக்காவின் உயரிய குடிமக்கள் விருதான 'அதிபர் சுதந்திரப் பதக்கம்' வழங்கி இவர் கவுரவிக்கப்பட்டார்.