நெஞ்சை பதறவைக்கும் வீடியோ... 30 நிமிடங்கள் வாலிபரை விடாமல் கவ்வித் தாக்கிய சிங்கம்!

 By Monika K Jul 7, 2026, 21:00 IST
சிங்கம்

குஜராத் மாநிலத்தின் புகழ்பெற்ற வேலவடார் தேசிய பூங்காவின் எல்லையோரப் பகுதியான கர்ஜியா கிராமத்தில், கண் இமைக்கும் நேரத்தில் பார்ப்போரைக் குலநடுங்க வைக்கும் கொடூரமான வனவிலங்குத் தாக்குதல் ஒன்று நேர்ந்துள்ளது. அந்தப் பகுதியைச் சேர்ந்த பொஹ்பாய் பர்மர் என்ற 26 வயது கிராமத்து இளைஞர், நேற்று மாலை நேரத்தில் தனது விவசாய நிலத்திற்கு அருகே நடந்து சென்று கொண்டிருந்தார். அந்தச் சமயத்தில் புதர்களுக்குள் பதுங்கியிருந்த பெரிய காட்டுச் சிங்கம் ஒன்று, அந்த வாலிபரை இலக்காகக் கொண்டு திடீரென அசுர வேகத்தில் பாய்ந்து பாய்ந்து கொடூரமான முறையில் தாக்கத் தொடங்கியது.

சிங்கம் தனது கூர்மையான நகங்களால் இளைஞரைப் பாய்ந்து கவ்வியதைக் கண்டு, அவர் தப்பிக்க வழியின்றி அலறியடித்துள்ளார். சுமார் 30 நிமிடங்கள் வரை அந்த இளைஞரைத் தனது பிடியில் இருந்து எள்ளளவும் விடாமல், சிங்கம் தொடர்ந்து தரதரவென இழுத்துத் தாக்கிய திகில் காட்சி ஒட்டுமொத்தப் பகுதியையும் உறைய வைத்தது. இக்கோரச் சம்பவத்தை அந்தப் பக்கமாக வந்த ஒரு நபர் தனது செல்போனில் வீடியோவாகப் பதிவு செய்ய, அந்த நடுங்க வைக்கும் காட்சிகள் தற்பொழுது சமூக வலைதளங்களில் காட்டுத்தீயாகப் பரவி கடுமையான அதிர்ச்சியை ஏற்படுத்தி வருகின்றன.

வாலிபரின் அலறல் சத்தம் கேட்டு ஓடிவந்த அக்கம் பக்கத்து கிராம மக்கள் மற்றும் விவசாயிகள் ஒன்றிணைந்து, தடியடி நடத்தியும் சத்தமிட்டும் பெரும் போராட்டத்திற்குப் பின் சிங்கத்தின் பிடியில் இருந்து அவரைப் பத்திரமாக மீட்டனர். சிங்கத்தின் நகக்கீரல்களால் உடலின் பல்வேறு இடங்களில் பலத்த காயமடைந்து உயிருக்குத் தவித்த பொஹ்பாய் பர்மர், உடனடியாக மீட்கப்பட்டு அரசு பொது மருத்துவமனையில் அவசரச் சிகிச்சைக்காக அனுமதிக்கப்பட்டுத் தீவிரக் கண்காணிப்பில் வைக்கப்பட்டுள்ளார். இந்த விபரீதச் சம்பவத்தைத் தொடர்ந்து அந்தப் பகுதி மக்கள் கடும் பயத்தில் உள்ளதால், வனத்துறையினர் அங்குத் தீவிரக் கண்காணிப்பில் ஈடுபட்டு ஊருக்குள் புகுந்த சிங்கத்தைப் பிடிக்கப் போர்க்கால அடிப்படையில் கூண்டுகளை அமைத்து வருகின்றனர்.