18-வது முறையாக FIFPRO உலக அணியில் மெஸ்ஸி! 39 வயதிலும் தொடரும் சாதனை

கால்பந்து உலகின் நட்சத்திர வீரர் லயோனல் மெஸ்ஸி, 18-வது முறையாக FIFPRO ஆண்டின் சிறந்த உலக அணியில் இடம்பிடித்து புதிய சாதனை படைத்துள்ளார்.

தொழில்முறை கால்பந்து வீரர்களின் வாக்குகள் மூலம் தேர்வு செய்யப்படும் 2026-ம் ஆண்டுக்கான FIFPRO ஆண்கள் உலக அணி நவம்பர் 9-ம் தேதி அறிவிக்கப்பட்டது. இதில் அமெரிக்காவின் இன்டர் மியாமி அணிக்காக விளையாடி வரும் 39 வயதான மெஸ்ஸியும் தேர்வாகியுள்ளார்.

𝐌𝐄𝐒𝐒𝐈 breaks his own record with his 𝟏𝟖𝐓𝐇 FIFPRO nomination 🏆 Lionel Messi has been nominated for the 2026 FIFPRO World 11, extending his own record to an incredible 18 nominations 🤯 2007 ✔️ 2008 ✔️ 2009 ✔️ 2010 ✔️ 2011 ✔️ 2012 ✔️ 2013 ✔️ 2014 ✔️ 2015 ✔️ 2016 ✔️ 2017 ✔️ 2018 ✔️ 2019 ✔️ 2020 ✔️ 2021 ✔️ 2022 ✔️ 2023 ✔️ 2026 ✔️ Cristiano Ronaldo follows with an insane 15 selections! The longevity of these two is just 𝗨𝗡𝗥𝗘𝗔𝗟 🔥 I’m happy we were lucky enough to watch them play ❤️

— 433 (@433) November 9, 2026

கடந்த 2007-ம் ஆண்டு முதன்முறையாக இந்த அணியில் இடம்பிடித்த மெஸ்ஸி, தற்போது 18-வது முறையாகத் தேர்வாகி தனது சாதனையை மேலும் நீட்டித்துள்ளார். கடந்த 2023-ம் ஆண்டுக்குப் பிறகு மீண்டும் இந்த அணியில் இடம்பிடித்துள்ளார்.

உலக அணியில் இடம்பிடித்த நட்சத்திரங்கள்

மெஸ்ஸியுடன் கைலியன் Mbappe, எர்லிங் ஹாலண்ட், லமின் யமால் ஆகியோர் தாக்குதல் ஆட்டக்காரர்களாகத் தேர்வு செய்யப்பட்டுள்ளனர். கோல் கீப்பராக டேவிட் ராயா, தடுப்பாட்ட வீரர்களாக பாவ் குபார்சி, அஷ்ரப் ஹக்கிமி, நுனோ மெண்டஸ் ஆகியோர் இடம்பெற்றுள்ளனர். நடுகள வீரர்களாக ஜூட் பெல்லிங்ஹாம், ரோட்ரி, விட்டின்யா தேர்வாகியுள்ளனர்.

இந்தத் தேர்வில் 73 நாடுகளைச் சேர்ந்த 19,806 ஆண் கால்பந்து வீரர்கள் வாக்களித்துள்ளனர். குறிப்பிடத்தக்க வகையில், 2026-ம் ஆண்டின் பாலன் டி'ஓர் விருது வென்ற ஹாரி கேன் உலக அணியில் இடம்பிடிக்கவில்லை.

மெஸ்ஸியின் 18-வது தேர்வு, கால்பந்து வரலாற்றில் அவரது தனித்துவமான சாதனையாகப் பதிவாகியுள்ளது