ட்ரோன் அட்டகாசம் தாங்கல... கல்யாண வீட்டு கேமராவைச் சுட்டுத் தள்ளிய தாத்தா... அதிர்ச்சி வீடியோ!

திருமண விழாக்களில் ட்ரோன் கேமராக்கள் மூலம் வான்வழியாக வீடியோ எடுப்பது தற்போது ஃபேஷனாகி விட்ட நிலையில், ஒரு திருமணத்தில் பறந்த ட்ரோனை முதியவர் ஒருவர் துப்பாக்கியால் சுட்டு வீழ்த்திய வீடியோ இணையத்தில் வைரலாகி வருகிறது. கூட்டத்தின் மேலே வட்டமடித்துக் கொண்டிருந்த அந்த ட்ரோன் கேமராவால் ஆத்திரமடைந்த அந்தப் பெரியவர், எவ்விதத் தயக்கமும் இன்றித் தனது கையில் இருந்த துப்பாக்கியால் ஒரே ஒரு சுட்டில் அதைத் தரைமட்டமாக்கினார். இந்தச் சம்பவம் அங்கிருந்தவர்களை ஒரு நிமிடம் அதிர்ச்சியில் ஆழ்த்திய போதிலும், தற்போது இந்த வீடியோ பலரிடையே சிரிப்பைக் கிளப்பியுள்ளது.

जो ड्रोन शादी शूट कर रहा था... BSD वाले चचा ने उस ड्रोन को ही शूट कर दिया 😂😂pic.twitter.com/ER8KaYP0Hj

— Vishal JyotiDev Agarwal 🇮🇳 (@JyotiDevSpeaks) May 1, 2026

ட்ரோன் சுட்டு வீழ்த்தப்பட்ட அடுத்த நொடியே அது கட்டுப்பாட்டை இழந்து கீழே விழுந்ததைக் கண்ட உறவினர்கள் எவ்வித எதிர்வினையும் ஆற்ற முடியாமல் மௌனமாக நின்றனர். எதற்காக அவர் இத்தகைய அதிரடி முடிவை எடுத்தார் என்பது தெரியவில்லை என்றாலும், ட்ரோனின் சத்தமும் அது மீண்டும் மீண்டும் தலைக்கு மேல் பறந்ததும் அவருக்கு எரிச்சலை உண்டாக்கியிருக்கலாம் எனக் கூறப்படுகிறது. இந்த வீடியோ தற்போது சமூக வலைத்தளங்களில் பகிரப்பட்டு வரும் நிலையில், “தாத்தாவுக்கு ட்ரோன் மேல அப்படி என்ன கோபம்?” எனப் பலரும் கிண்டலாகக் கேள்வி எழுப்பி வருகின்றனர்.

நெட்டிசன்கள் பலரும் இந்த வீடியோவைப் பகிர்ந்து பல்வேறு நகைச்சுவையான கருத்துகளைப் பதிவிட்டு வருகின்றனர். சிலர் இதை வேடிக்கையாகப் பார்த்தாலும், மக்கள் நடமாட்டம் மிகுந்த பகுதியில் துப்பாக்கியைப் பயன்படுத்தியது பாதுகாப்பு ரீதியாகச் சரியல்ல என்ற கருத்தையும் முன்வைத்துள்ளனர். எது எப்படியோ, வீடியோ எடுக்க வந்த ட்ரோனைத் துப்பாக்கியால் “ஷூட்” செய்த அந்த முதியவரின் செயல், அந்தத் திருமணத்தில் நடந்த சுவாரசியமான மற்றும் மறக்க முடியாத நிகழ்வாகப் பதிவாகிவிட்டது.