மதுரை மீனாட்சியம்மன் கோவில் கும்பாபிஷேகத்தை முன்னிட்டு, மதுரைக்கு வரும் பக்தர்களுக்கு தேவையான அடிப்படை வசதிகளை செய்து தருவதற்கான ஏற்பாடுகள் தீவிரமாக நடைபெற்று வருகின்றன.வரும் செப்டம்பர் 17-ம் தேதி நடைபெற உள்ள கும்பாபிஷேக விழாவில், சுமார் ஒரு லட்சம் பக்தர்களுக்கு இலவச உணவு வழங்க ஏற்பாடு செய்யப்பட்டுள்ளது. இதற்கான பணிகள் கோவில் நிர்வாகம் மற்றும் தொடர்புடைய துறைகள் சார்பில் மேற்கொள்ளப்பட்டு வருகின்றன.

 கும்பாபிஷேக விழாவையொட்டி மதுரைக்கு ஏராளமான பக்தர்கள் வருகை தர உள்ளனர். அவர்களின் உணவு தேவையை கருத்தில் கொண்டு, ஒரு லட்சம் பேருக்கு இலவச உணவு வழங்கும் வகையில் ஏற்பாடுகள் செய்யப்பட்டுள்ளன.பக்தர்கள் நீண்ட நேரம் காத்திருக்க வேண்டிய சூழல் ஏற்படாமல், விழா ஏற்பாடுகளுடன் உணவு வழங்கும் பணிகளும் ஒருங்கிணைக்கப்பட உள்ளன.

 மீனாட்சியம்மன் கோவிலில் சுமார் 17 ஆண்டுகளுக்குப் பிறகு கும்பாபிஷேக விழா நடைபெற உள்ளது. செப்டம்பர் 17-ம் தேதி காலை 7.40 மணி முதல் 8.10 மணி வரை திருக்குட நன்னீராட்டு விழா நடைபெற உள்ளது.இதையொட்டி பக்தர்களின் கூட்டத்தை கருத்தில் கொண்டு போக்குவரத்து, பாதுகாப்பு, மருத்துவ வசதி உள்ளிட்ட பல்வேறு முன்னேற்பாடுகளும் செய்யப்பட்டு வருகின்றன.

 கும்பாபிஷேக விழாவுக்கு வரும் பக்தர்களின் வசதிக்காக சிறப்பு பேருந்துகள் மற்றும் ரயில் சேவைகளும் ஏற்பாடு செய்யப்பட்டுள்ளன. சென்னை தாம்பரத்தில் இருந்து மதுரைக்கு முன்பதிவில்லா சிறப்பு ரயிலும் இயக்கப்பட உள்ளது.வரலாற்றுச் சிறப்புமிக்க இந்த விழாவை முன்னிட்டு மதுரை முழுவதும் பக்தர்களின் வருகையை எதிர்கொள்ளும் வகையில் ஏற்பாடுகள் தீவிரப்படுத்தப்பட்டுள்ளன.