குழந்தைகளின் கற்றல் திறனை மேம்படுத்தும் நோக்கில் ‘மைக்கோ 3’ (Miko 3) என்ற செயற்கை நுண்ணறிவு ரோபோ உருவாக்கப்பட்டுள்ளது. 5 முதல் 12 வயது வரையிலான குழந்தைகளுக்காக வடிவமைக்கப்பட்டுள்ள இந்த ரோபோ, அவர்களுடன் உரையாடி பல்வேறு கல்வி மற்றும் பொழுதுபோக்கு செயல்பாடுகளை வழங்குகிறது.

குழந்தைகள் கேட்கும் கேள்விகளுக்குப் பதிலளிப்பதுடன், கதைகள் சொல்லுதல், விளையாட்டுகள், குறியீட்டாக்கப் பயிற்சி மற்றும் மொழிப் பயிற்சிகளையும் வழங்குகிறது. தொடுதிரை வசதியுடன், முகம் மற்றும் குரலை அடையாளம் காணும் தொழில்நுட்பமும் இதில் இடம்பெற்றுள்ளது.

அறிவியல், கணிதம், புதிர்கள், பாடல்கள் உள்ளிட்ட பல்வேறு தலைப்புகளில் குழந்தைகள் கற்றுக்கொள்ளும் வகையில் இதன் செயல்பாடுகள் வடிவமைக்கப்பட்டுள்ளன. மேலும், குழந்தைகளுக்கு யோகா பயிற்சிகளையும் வழங்கும் வசதி இதில் உள்ளது.

விளையாட்டுடன் கற்றலையும் இணைக்கும் வகையில் உருவாக்கப்பட்டுள்ள இந்த AI ரோபோவின் விலை சுமார் ரூ.23,999 எனத் தெரிவிக்கப்பட்டுள்ளது. குழந்தைகளின் அன்றாடக் கற்றல் அனுபவத்தைத் தொழில்நுட்பத்தின் மூலம் மேம்படுத்தும் சாதனமாக மைக்கோ 3 அறிமுகமாகியுள்ளது.