ஆவணியில் இந்த 3 ராசிக்காரர்களுக்கு கோடீஸ்வர யோகம்... 12 ராசிகளூக்குமான முழு பலன்கள்!

2026 ஆவணி மாதம் (ஆகஸ்ட் 18 - செப்டம்பர் 17) பிறப்பதை ஒட்டி, முக்கிய நவகிரகங்களின் நிலை மற்றும் 12 ராசிகளுக்கான விரிவான மாத ராசிபலன்களைப் பார்க்கலாம். ஆவணி மாத முக்கிய கிரகங்களின் நிலைகளின் படி, சூரியன் தனது சொந்த வீடான சிம்ம ராசியில் ஆட்சி பலத்துடன் பிரவேசிக்கிறார்.

குரு - கடக ராசியில் உச்ச பலத்துடன் பயணிக்கிறார்.

சனி - மீன ராசியில் வக்கிர/ஜென்ம நிலையில் வீற்றிருக்கிறார்.

செவ்வாய் - மிதுன ராசியில் சஞ்சரிக்கிறார்.

புதன் - கடக ராசியிலிருந்து சிம்ம ராசிக்கு நகர்கிறார்.

ராகு - கேது - ராகு கும்ப ராசியிலும், கேது சிம்ம ராசியிலும் சஞ்சரிக்கின்றனர்.

மேஷம் (அசுவினி, பரணி, கார்த்திகை 1-ஆம் பாதம்)

சூரியன் மற்றும் குருவின் அனுகூலமான பார்வையால் தொட்ட காரியங்கள் அனைத்தும் வெற்றியடையும். தொழில் மற்றும் வியாபாரத்தில் நல்ல பணப்புழக்கம் இருக்கும். கடன் சுமைகள் குறையத் தொடங்கும். குடும்பத்தில் சுபகாரியப் பேச்சுவார்த்தைகள் கைகூடும்.

ரிஷபம் (கார்த்திகை 2, 3, 4-ஆம் பாதம், ரோகிணி, மிருகசீரிஷம் 1, 2-ஆம் பாதம்)

குடும்பத்தில் அமைதியும் மகிழ்ச்சியும் நிலவும். சொத்து மற்றும் வாகனம் சார்ந்த சேர்க்கைகள் உண்டாகும். செவ்வாயின் பார்வையால் செலவுகள் அதிகரிக்கலாம் என்பதால் திட்டமிட்டுச் செயல்படுவது நல்லது. ஆரோக்கியத்தில் கூடுதல் கவனம் தேவை.

மிதுனம் (மிருகசீரிஷம் 3, 4-ஆம் பாதம், திருவாதிரை, புனர்பூசம் 1, 2, 3-ஆம் பாதம்)

குருவின் பார்வை பலத்தால் உங்கள் யோகம் கூடும். நீண்ட நாட்களாகத் தள்ளிப்போன காரியங்கள் சுபமாக முடிவடையும். வேலைதேடுபவர்களுக்குச் நல்ல நிறுவனத்தில் வேலை கிடைக்கும். புதிய முதலீடுகள் செய்வதற்குச் சாதகமான மாதமாகும்.

கடகம் (புனர்பூசம் 4-ஆம் பாதம், பூசம், ஆயில்யம்)

உங்கள் ராசியில் குரு உச்சம் பெற்று அமர்ந்திருப்பதால் மனத்தெளிவும் தைரியமும் அதிகரிக்கும். தொழிலில் லாபம் தாராளமாக இருக்கும். குடும்பத்தில் சுப நிகழ்வுகள் நடைபெறும். பேச்சில் மட்டும் நிதானத்தைக் கடைப்பிடிப்பது நல்லது.

சிம்மம் (மகம், பூரம், உத்திரம் 1-ஆம் பாதம்)

சூரியன் உங்கள் ராசியிலேயே ஆட்சி பலம் பெறுவதால் தைரியமும் ஆளுமைத் திறனும் கூடும். அரசு வழியில் எதிர்பாராத நன்மைகளும் உதவிகளும் கிடைக்கும். உத்தியோகத்தில் பதவி உயர்வும் ஊதிய உயர்வும் கிடைக்க வாய்ப்புள்ளது.

கன்னி (உத்திரம் 2, 3, 4-ஆம் பாதம், அஸ்தம், சித்திரை 1, 2-ஆம் பாதம்)

உச்ச குருவின் பார்வையால் தடைகள் விலகும். வெளிநாடு அல்லது வெளியூர் செல்லும் முயற்சிகள் வெற்றியைத் தரும். செலவுகள் சற்று கூடினாலும் சுபச் செலவுகளாக மாறும். ஆன்மீகப் பயணங்கள் மற்றும் புண்ணிய காரியங்களில் ஈடுபாடு அதிகரிக்கும்.

துலாம் (சித்திரை 3, 4-ஆம் பாதம், சுவாதி, விசாகம் 1, 2, 3-ஆம் பாதம்)

தொழில் மற்றும் வியாபாரத்தில் லாபம் இரட்டிப்பாகும். நண்பர்கள் மற்றும் மூத்த சகோதரர்களின் உதவி தாராளமாகக் கிடைக்கும். பழைய கடன்களை அடைத்து மன அமைதி காண்பீர்கள். புதிய திட்டங்கள் அனைத்தும் வெற்றியைத் தரும்.

விருச்சிகம் (விசாகம் 4-ஆம் பாதம், அனுஷம், கேட்டை)

உத்தியோகத்தில் இருந்துவந்த மறைமுக எதிர்ப்புகள் விலகும். தொழில் விரிவாக்கத்திற்குப் புதிய முதலீடுகள் மற்றும் கடன்கள் எளிதில் கிடைக்கும். மேலதிகாரிகளின் பாராட்டு மனதிற்கு மகிழ்ச்சி அளிக்கும்.

தனுசு (மூலம், பூராடம், உத்திராடம் 1-ஆம் பாதம்)

பாக்ய ஸ்தானத்தில் சூரியனின் பலத்தால் தந்தையின் வழியில் நல்ல நன்மைகளும் சொத்துச் சேர்க்கையும் உண்டாகும். நீண்ட தூரப் பயணங்கள் அனுகூலத்தைத் தரும். ஆன்மீக எண்ணங்கள் மேலோங்கும்.

மகரம் (உத்திராடம் 2, 3, 4-ஆம் பாதம், திருவோணம், அவிட்டம் 1, 2-ஆம் பாதம்)

பணவரவு திருப்திகரமாக இருந்தாலும் அஷ்டமத் தானத்து சூரியனால் உடல் ஆரோக்கியத்தில் சிறு பாதிப்புகள் வரலாம். அத்தியாவசியமற்ற செலவுகளைத் தவிர்க்கவும். வாகனப் பயணங்களில் எச்சரிக்கை தேவை.

கும்பம் (அவிட்டம் 3, 4-ஆம் பாதம், சதயம், பூரட்டாதி 1, 2, 3-ஆம் பாதம்)

கணவன் - மனைவி இடையே புரிதலும் அன்பும் அதிகரிக்கும். கூட்டுத் தொழில் செய்பவர்களுக்கு நல்ல வளர்ச்சி காணப்படும். களத்திர வழியில் சுபச் செய்திகளும் பண உதவிகளும் கிடைக்க வாய்ப்புள்ளது.

மீனம் (பூரட்டாதி 4-ஆம் பாதம், உத்திரட்டாதி, ரேவதி)

ஜென்மச் சனியின் தாக்கம் இருந்தாலும், 6-ஆம் வீட்டில் சூரியனின் பலத்தால் எதிரிகளை வீழ்த்துவீர்கள். நிலுவையில் உள்ள வழக்குகள் சாதகமாக முடியும். கடன் பிரச்சினைகள் தீர்ந்து புதிய நம்பிக்கை பிறக்கும்.