திமுக மகளிர் அணி சார்பில் நடைபெற்ற போராட்டத்தில் ஏராளமான பெண்கள் பங்கேற்றுள்ளதாக திமுக தலைவரும் முன்னாள் முதலமைச்சருமான மு.க.ஸ்டாலின் தெரிவித்துள்ளார். தமிழகத்தில் நிலவும் பிரச்சினைகள் குறித்து பெண்கள் வெளிப்படுத்தியுள்ள இந்த எதிர்ப்பை அரசு கவனத்தில் கொள்ள வேண்டும் என்றும் அவர் வலியுறுத்தியுள்ளார்.

இதுதொடர்பாக அவர் வெளியிட்டுள்ள சமூக வலைதளப் பதிவில், மின் கட்டண உயர்வு, அத்தியாவசியப் பொருட்களின் விலை உயர்வு மற்றும் சட்டம் ஒழுங்கு பிரச்சினைகள் காரணமாக மக்கள் கடும் அதிருப்தியில் இருப்பதாகக் குறிப்பிட்டுள்ளார்.

மேலும், இடைத்தேர்தல் தொடர்பான அரசியல் நடவடிக்கைகளில் மட்டும் கவனம் செலுத்தாமல், முதலமைச்சர் விஜய் மாநில நிர்வாகத்தின் மீது கூடுதல் கவனம் செலுத்த வேண்டும் என்றும் ஸ்டாலின் தெரிவித்துள்ளார்.

மகளிர் அணி நடத்திய போராட்டம் அரசுக்கு விடுக்கப்பட்ட எச்சரிக்கை மணி என்றும், பெண்கள் முன்வைத்துள்ள கோரிக்கைகள் மற்றும் அழைப்புக்கு அரசு உடனடியாகச் செவிசாய்க்க வேண்டும் என்றும் அவர் வலியுறுத்தியுள்ளார்.

தமிழக அரசின் செயல்பாடுகள் குறித்து திமுக தொடர்ந்து விமர்சனங்களை முன்வைத்து வரும் நிலையில், ஸ்டாலினின் இந்தப் பதிவு அரசியல் வட்டாரத்தில் கவனம் பெற்றுள்ளது.