ஆகஸ்ட் 12 வரை மிதமான மழைக்கு வாய்ப்பு!!

தமிழகத்தில் கடந்த சில நாட்களாக பல பகுதிகளில் வெயில் கொளுத்தி வருகிறது. இந்த வெயிலின் அளவு இன்றும் அதிகரிக்கும் இதனால் காரணமின்றி கர்ப்பிணிகள், குழந்தைகள் வயதானவர்கள் 11 மணி முதல் மாலை 4 மணி வரை வீட்டை விட்டு வெளியில்வர வேண்டாம் என எச்சரிக்கை விடுக்கப்பட்டுள்ளது. இந்நிலையில் காலையில் வெயில் கொளுத்தினாலும் மாலையில்வெப்பச்சலனம் மேற்கு திசை காற்றின் வேக மாறுபாடு காரணமாக மழை பெய்யலாம் என வானிலை ஆய்வு மையம் தெரிவித்துள்ளது.

இது குறித்து வெளியிட்ட செய்திக்குறிப்பில் ஆகஸ்ட்   12ம் தேதி வரை   தமிழகம், புதுச்சேரி மற்றும் காரைக்கால் பகுதிகளில் ஒரு சில இடங்களில் லேசானது முதல் மிதமான மழை பெய்யக்கூடும்.    இன்று தமிழகம் மற்றும் புதுச்சேரியில் ஒருசில இடங்களில் அதிகபட்ச வெப்பநிலையாக  38 டிகிரி முதல் 40 டிகிரி செல்சியஸ் நிலவக்கூடும்.   அதிக வெப்பநிலை மற்றும் அதிக ஈரப்பதம் இருக்கும் பொழுது வெப்ப அழுத்தம் காரணமாக அசவுகரியம் ஏற்படலாம்.சென்னையை பொறுத்தவரை  அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும்.

நகரின் ஒருசில பகுதிகளில் லேசானது முதல் மிதமானது வரை  மழை பெய்யக்கூடும். அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்யக்கூடும் தென்தமிழக கடலோரப்பகுதிகள், மன்னார் வளைகுடா மற்றும் அதனை ஒட்டிய குமரிக்கடல் பகுதிகளில்  மணிக்கு  65 கிலோ மீட்டர் வேகத்தில் சூறாவளி காற்று  வீசக்கூடும்.  மேலும் இலங்கை கடலோரப்பகுதிகள் மற்றும் அதனை ஒட்டிய தென்மேற்கு வங்கக்கடல், மத்திய வங்கக்கடல் பகுதிகளில் சூறாவளிக்காற்று  வீசக்கூடும். இதனால் ஆகஸ்ட் 12 ம் தேதி வரை இப்பகுதிகளில் மீனவர்கள் இப்பகுதிகளுக்கு செல்ல வேண்டாம் என எச்சரிக்கை விடுக்கப்பட்டுள்ளது.  

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆடி மாதத்தில் சுபகாரியங்களை செய்யலாமா? கூடாதா?!

ஆடி மாதத்தில் புதுமணத் தம்பதியரை ஏன் பிரித்து வைக்கிறார்கள் தெரியுமா?

மாங்கல்ய தோஷம் நீங்க ஆடி மாசத்துல இதைச் செய்ய மறக்காதீங்க!