மகனுடன் சேர்ந்து வாழ வற்புறுத்திய மாமியார்.. ஆத்திரத்தில் கல்லை போட்டு கொன்ற மருமகள்.. ஷாக் பின்னணி!

கரூர் மாவட்டம், புகலூர் வட்டம், தென்னிலை மொஞ்சனூர் கிராமத்தில் உள்ள வெட்டுக்காட்டுவலசை கிராமத்தைச் சேர்ந்தவர் பாப்பாத்தி (72). இவரது கணவர் இறந்துவிட்டார். இவர்களது மகன் லோகநாதன் (50), வெள்ளக்கோவிலை சேர்ந்த விஜயலட்சுமி (45) ஆகியோருக்கு கடந்த 20 ஆண்டுகளுக்கு முன்பு திருமணமாகி ஒரு மகன், ஒரு மகள் உள்ளனர். மரம் ஏறும் தொழில் செய்து வந்த லோகநாதன் தற்போது லாரி டிரைவராக பணியாற்றி வருகிறார். இதனால் கணவன்-மனைவி இடையே அடிக்கடி தகராறு ஏற்பட்டு வந்துள்ளது.

இந்நிலையில் கடந்த 8 ஆண்டுகளுக்கு முன்பு விஜயலட்சுமி கணவரை பிரிந்து வெள்ளக்கோவிலில் உள்ள தந்தை வீட்டில் வசித்து வந்தார். ஆனால், விஜயலட்சுமி மாதம் ஒருமுறை வெட்டுக்காட்டுவலசை வந்து ஓரிரு நாட்கள் தங்கி மகன் மற்றும் மகளை கவனித்து வந்தார். அந்த வகையில் கடந்த சில நாட்களுக்கு முன்பு விஜயலட்சுமி தனது கணவர் வீட்டிற்கு வந்திருந்த நிலையில் நேற்று (செப்டம்பர் 19) தனது மாமியார் பாப்பாத்தியை தாணியபட்டி சுப்ரமணியுடன் விவசாய தோட்டத்தில் ஆடு மேய்க்க அழைத்துச் சென்றார்.

இதையடுத்து மாலையில் விஜயலட்சுமி வீடு திரும்பிய நிலையில் பாப்பாபதி வீடு திரும்பவில்லை. இதுகுறித்து விஜயலட்சுமி கூறுகையில், பாப்பாத்தி பின்னர் வருவதாக கூறியதால் ஆடுகளை மட்டும் எடுத்துக்கொண்டு வீடு திரும்புவதாக கூறினார். ஆனால் இரவு முழுவதும் பாப்பாத்தி வீடு திரும்பாததால், தனது தாயை காணவில்லை என லோகநாதன் தென்னிலை காவல் நிலையத்தில் புகார் அளித்தார்.

அதன்படி போலீசார் விசாரணை நடத்தினர். இந்நிலையில் நேற்று காலை 9 மணியளவில் விவசாய வயலில் முகம், தலை சிதைந்த நிலையில் பாப்பாத்தி சடலமாக கிடந்தார். இதையடுத்து கரூர் மாவட்ட காவல் கண்காணிப்பாளர் பெரஸ்கான் அப்துல்லா, அரவக்குறிச்சி காவல் துணைக் கண்காணிப்பாளர் அப்துல்கபூர், தென்லி காவல் உதவி ஆய்வாளர் ஓம் பிரகாஷ் ஆகியோர் சம்பவ இடத்தில் விசாரணை நடத்தினர். இந்த விசாரணையில், மாமியார் ஆடு மேய்த்துக் கொண்டிருந்த போது, ​​மருமகள் விஜயலட்சுமியிடம், மகன் லோகநாதனுடன் குடும்பம் நடத்தி, குழந்தைகளுக்கு நல்ல இடத்தில் திருமணம் செய்து வைக்க வேண்டும் என, மாமியார் கூறியுள்ளார்.

இதை ஏற்க மறுத்து வாக்குவாதத்தில் ஈடுபட்ட விஜயலட்சுமி, ஆத்திரத்தில் பாப்பாத்தி மீது கல்லை போட்டு கொன்றதை விசாரணையில் ஒப்புக்கொண்டார். இதையடுத்து தென்னிலை போலீசார் கொலை வழக்கு பதிவு செய்து விஜயலட்சுமியை கைது செய்து கோர்ட்டில் ஆஜர்படுத்தி சிறையில் அடைத்தனர். இதனிடையே, கரூர் காந்திகிராமம் அரசு மருத்துவக் கல்லூரி மருத்துவமனையில் பாப்பாத்தியின் உடல் பிரேதப் பரிசோதனை செய்யப்பட்டு, அவரது உடல் குடும்பத்தினரிடம் ஒப்படைக்கப்பட்டது.

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

புரட்டாசி மாதத்தில் ஏன் அசைவம் சாப்பிடக்கூடாது ... விஞ்ஞான விளக்கம்!