நாகை மாவட்டத்திற்கு நவம்பர் 20-ல் உள்ளூர் விடுமுறை... கலெக்டர் அறிவிப்பு!

நாகூர் ஆண்டவர் தர்காவின் கந்தூரி விழாவை முன்னிட்டு, நாகப்பட்டினம் மாவட்டத்திற்கு வரும் நவம்பர் 20-ம் தேதி உள்ளூர் விடுமுறை அறிவிக்கப்பட்டுள்ளது.

நாகூர் தர்காவில் ஆண்டுதோறும் நடைபெறும் கந்தூரி விழாவின் முக்கிய நிகழ்வான புனித சந்தனக்கூடு ஊர்வலம் நவம்பர் 20-ம் தேதி அதிகாலை 4.30 மணிக்கு நடைபெற உள்ளது. இதையொட்டி, நாகப்பட்டினம் மாவட்டம் முழுவதும் உள்ளூர் விடுமுறை அளித்து மாவட்ட ஆட்சியர் உத்தரவிட்டுள்ளார்.

இந்த விடுமுறை மாவட்டத்தில் உள்ள அனைத்து பள்ளிகள், கல்லூரிகள் மற்றும் அரசு அலுவலகங்களுக்கும் பொருந்தும். அதேநேரத்தில், அத்தியாவசியப் பணிகளில் ஈடுபடும் அலுவலகங்கள் வழக்கம்போல் செயல்படும். ஏற்கெனவே அறிவிக்கப்பட்டுள்ள அரசுத் தேர்வுகளும் திட்டமிட்டபடி நடைபெறும் என தெரிவிக்கப்பட்டுள்ளது.

மேலும், நவம்பர் 20-ம் தேதி அறிவிக்கப்பட்ட உள்ளூர் விடுமுறையை ஈடுசெய்யும் வகையில், டிசம்பர் 5-ம் தேதி சனிக்கிழமை பணி நாளாக அறிவிக்கப்பட்டுள்ளது. எனவே, நாகை மாவட்ட அரசு அலுவலகங்கள் மற்றும் கல்வி நிறுவனங்கள் டிசம்பர் 5-ம் தேதி செயல்படும்.