நேபாளத்தில் கோஷி ஆற்றில் மீண்டும் வெள்ளப்பெருக்கு... உயிரிழப்பு 675 ஆக உயர்வு!

 நேபாளத்தின் கோஷி ஆற்றில் மீண்டும் வெள்ளப்பெருக்கு ஏற்பட்டுள்ளதால் அப்பகுதி மக்கள் பெரும் அச்சமடைந்துள்ளனர். இதையடுத்து நுவாகோட், ரசுவா மற்றும் தாடிங் உள்ளிட்ட மாவட்டங்களில் முன்னெச்சரிக்கை நடவடிக்கைகள் தீவிரப்படுத்தப்பட்டுள்ளன.

நேபாளத்தில் ஏற்பட்ட பெருவெள்ளத்தில் சிக்கி இதுவரை 675 பேர் உயிரிழந்துள்ளதாகத் தகவல்கள் வெளியாகியுள்ளன. தொடர்ந்து ஐந்தாவது நாளாக மீட்புப் பணிகள் முழு வீச்சில் நடைபெற்று வருகின்றன.

வெள்ளம் மற்றும் நிலச்சரிவு பாதித்த பகுதிகளில் சிக்கியுள்ள பொதுமக்களை மீட்கும் பணியில் மீட்புக்குழுவினர் தீவிரமாக ஈடுபட்டுள்ளனர். பாதிக்கப்பட்ட மக்களுக்குத் தேவையான உதவிகளை வழங்கும் பணிகளும் முடுக்கிவிடப்பட்டுள்ளன.