புதிய உலக வரைபடம்... 'ஈக்வல் எர்த்' வரைபடத்திற்கு ஐ.நா. அங்கீகாரம்!

1569-ல் மெர்கடார் உருவாக்கிய வரைபடத்தில் ஆப்பிரிக்காவை விட வடஅமெரிக்கா மற்றும் ஐரோப்பிய கண்டங்கள் பெரியதாகக் காட்டப்பட்ட தவறான சித்தரிப்பைத் திருத்தும் வகையில் 'ஈக்வல் எர்த்' என்ற புதிய உலக வரைபடத்திற்கு ஐக்கிய நாடுகள் சபை அங்கீகாரம் அளித்துள்ளது. நிலப்பரப்பு அடிப்படையில் வடஅமெரிக்காவை விட ஆப்பிரிக்கக் கண்டம் மிகப் பெரியது என்ற உண்மையைச் சரியான முறையில் பிரதிபலிக்கும் வகையில்தான் இந்த வரலாற்றுச் சிறப்புமிக்க முக்கிய மாற்றம் கொண்டுவரப்பட்டுள்ளது.

இந்த வரைபட மாற்றத்திற்கான வாக்களிப்பில் மொத்தம் 165 உறுப்பு நாடுகள் மிகுந்த ஆர்வமுடன் கலந்துகொண்டு தங்களது ஆதரவைத் தெரிவித்துள்ளன. ஆனால், ஆச்சரியப்படும் வகையில் இந்த ஐக்கிய நாடுகள் சபையின் வாக்கெடுப்பில் அமெரிக்கா நாடு மட்டுமே இதற்குத் தனது எதிர்ப்பைத் பதிவு செய்துள்ளது.

புவியியல் ரீதியாகக் கண்டங்களின் உண்மையான அளவுகளை உலகிற்குக் கொண்டு சேர்க்கும் இந்த புதிய முயற்சி பல நாடுகளின் வரவேற்பைப் பெற்றுள்ளது. எதிர்காலத்தில் கல்வி மற்றும் புவியியல் சார்ந்த அனைத்துப் பயன்பாடுகளிலும் இந்தச் சரியான வரைபட முறை பின்பற்றப்படும் என்று எதிர்பார்க்கப்படுகிறது.