கச்சா எண்ணெய் திருட்டின் போது நச்சு வாயு தாக்கி 37 பேர் பலி!

தெற்கு நைஜீரியாவின் ரிவர்ஸ் மாகாணத்தில் உள்ள ஒக்கிரிகா பகுதியில் கடந்த செப்டம்பர் 3-ம் தேதி கச்சா எண்ணெய் குழாயில் சட்டவிரோதமாகத் துளையிடப்பட்டது. அப்போது எரிபொருளைத் திருட முயன்றபோது கடுமையான நச்சு வாயு காற்றில் திடீரென வேகமாகப் பரவியுள்ளது.

இந்த விஷவாயுவைத் தற்செயலாகச் சுவாசித்த 37 பேர் சம்பவ இடத்திலேயே மூச்சுத்திணறிப் பரிதாபமாக உயிரிழந்தனர். மேலும், அங்கிருந்து தப்பிக்க முயன்ற பலர் அருகில் உள்ள போனி ஆற்றில் விழுந்து வெள்ளத்தில் அடித்துச் செல்லப்பட்டனர்.

தண்ணீரில் அடித்துச் செல்லப்பட்டுக்காணாமல் போனவர்களைத் தீவிரமாகத் தேடும் பணியும் மீட்புப் படையினரால் மேற்கொள்ளப்பட்டு வருகிறது. இந்தச் சட்டவிரோதச் செயல் மற்றும் விபத்து குறித்துக் காவல்துறையினர் தீவிரமான விசாரணையையும் நடத்தி வருகின்றனர்.