ஓணத்துக்கு பணம் இல்ல... செல்போன் கடையில் திருட முயன்ற கேரள இளைஞர்!

புதுச்சேரி வில்லியனூர் அருகே உள்ள அரியூர் பகுதியில் செல்போன் கடையின் பூட்டை உடைத்துத் திருட முயன்ற கேரள இளைஞரை மக்கள் மடக்கிப் பிடித்துத் தர்ம அடி கொடுத்துள்ளனர். ஓணம் பண்டிகையைக் கொண்டாடுவதற்காகச் சொந்த ஊரான கேரளா செல்வதற்குப் பணம் தேவைப்பட்டதால் அவர் இந்தத் திருட்டு முயற்சியில் ஈடுபட்டுள்ளதாகத் விசாரணையில் தெரியவந்துள்ளது. இந்தச் சம்பவம் அப்பகுதியில் சிறிது நேரம் பரபரப்பை ஏற்படுத்தியுள்ளது.

கேரள மாநிலத்தைச் சேர்ந்த ஜஸ்டின் என்பவர் நள்ளிரவில் அப்பகுதியில் உள்ள செல்போன் கடையின் பூட்டை உடைத்து உள்ளே நுழைய முயன்றுள்ளார். இதைப் பார்த்த அப்பகுதி மக்கள் உடனடியாக உஷாரடைந்து ஒன்று திரண்டு அவரைப் பிடித்து நරசிங்கம்பேட்டைப் பகுதியில் வைத்துத் தர்ம அடி கொடுத்துள்ளனர். பின்னர் இதுகுறித்துத் தகவலறிந்த வில்லியனூர் காவல் நிலையப் போலீசார் சம்பவ இடத்திற்கு விரைந்து சென்று அவரை மீட்டுள்ளனர்.

போலீசார் நடத்திய விசாரணையில் ஓணம் பண்டிகையைக் கொண்டாடக் கேரளாவிற்குச் செல்லப் பணம் இல்லாததால் இந்தக் கைவரிசையில் இறங்கியது தெரியவந்துள்ளது. இதனையடுத்து வில்லியனூர் போலீசார் அவர் மீது வழக்குப்பதிவு செய்து கைது செய்தனர். பின்னர் அவரை நீதிமன்றத்தில் ஆஜர்படுத்திச் சிறையில் அடைத்துள்ளனர்.