கிளம்பிய எதிர்ப்பு.. எலான் மஸ்க்கை குஷி படுத்த கூடுதல் பொறுப்பை வழங்கிய டிரம்ப்!

உலகின் நம்பர் ஒன் பணக்காரர் மற்றும் மிகவும் பிரபலமான தொழிலதிபரான எலான் மஸ்க், அதிபர் தேர்தலில் டிரம்பின் வெற்றியை பெரிதும் ஆதரித்தார். தேர்தலில் வெற்றி பெற்ற பிறகு, அமெரிக்க அரசாங்கத்தின் நிர்வாகத்தை முற்றிலுமாக சீர்திருத்தும் ஒரு புதிய அமைப்பின் தலைவராக எலான் மஸ்க்கை டிரம்ப் நியமித்தார். உயர் பதவியில் உள்ள அரசு அதிகாரிகளை பணிநீக்கம் செய்வது முதல் கீழ்நிலை ஊழியர்கள் வரை பழைய நடைமுறைகளை ஒழிப்பது வரை அமெரிக்காவில் மஸ்க்கின் நடவடிக்கைகள் கடும் எதிர்ப்பைச் சந்தித்துள்ளன.

அரசாங்கத்தின் நடவடிக்கைகளுக்கு எதிராக அமெரிக்காவில் போராட்டங்கள் வெடித்துள்ளன. "மஸ்க்கை செவ்வாய் கிரகத்திற்கு அனுப்பிவிடுங்கள்" என்று ஒரு பதாகையில் எழுதப்பட்டிருந்தது. இந்த எதிர்ப்புகளைப் புறக்கணித்து, மஸ்க்கிற்கு கூடுதல் அதிகாரங்களை வழங்குவதாக டிரம்ப் ஒரு அறிவிப்பை வெளியிட்டுள்ளார். இதைத் தொடர்ந்து, வெள்ளை மாளிகையில் டிரம்புடன் சமமான நிலையில் அமர்ந்த எலான் மஸ்க், தனது செயல்களை நியாயப்படுத்தினார். இந்த நடவடிக்கைகளுக்காக மக்கள் தனக்கு வாக்களித்ததாகவும் அவர் கூறினார்.

மஸ்க் ஏற்கனவே சட்டத்திற்கு அப்பாற்பட்ட பல நடவடிக்கைகளை எடுத்துள்ளார், இது பல குழப்பங்களை ஏற்படுத்தியுள்ளது. இப்போது அவர் பெற்றுள்ள அதிகாரங்கள் என்ன விளைவுகளை ஏற்படுத்தும் என்ற அச்சம் அமெரிக்கர்களிடையே எழுந்துள்ளது. டிரம்ப்பிடமிருந்து எலான் மஸ்க்கிற்கு அதிகாரங்கள் மாற்றப்படுகிறதா என்பது குறித்து அமெரிக்காவிலும் கேள்விகள் எழுந்துள்ளன. அதிபர் மட்டுமே நேர்காணல்களை வழங்கக்கூடிய வெள்ளை மாளிகையில் இருந்து மஸ்க் நேர்காணல்களை வழங்கிய நிலையில், அமெரிக்க அதிபர் மஸ்க் என்றே  ஆன்லைனில் தற்போது பிரபலமாகி வருகிறார் என்பதும் குறிப்பிடத்தக்கது.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மிஸ் பண்ணாதீங்க... தை மாதத்தின் சிறப்புகள், வழிபாடுகள்!

தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?

செல்வத்தை செழிக்கச் செய்யும் தை மாத ஞாயிறு விரதம்!

தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க!