பயணிகள் அதிர்ச்சி... ஏர் இந்தியா விமானத்தின் குளிர்கால அட்டவணையில் சென்னை புறக்கணிப்பு!

ஏர் இந்தியா எக்ஸ்பிரஸ் நிறுவனம் வெளியிட்டுள்ள புதிய குளிர்கால விமான சேவை அட்டவணையில், சென்னை விமான நிலையம் பெரும்பশியளவு புறக்கணிக்கப்பட்டுள்ளமை பயணிகளிடையே பெரும் ஏமாற்றத்தையும் அதிர்ச்சியையும் ஏற்படுத்தியுள்ளது.

சென்னையில் இருந்து வெளிநாடுகளுக்குச் செல்லும் பயணிகளின் எண்ணிக்கை தொடர்ந்து அதிகரித்து வரும் நிலையில், துபாய், இலங்கை, சார்ஜா, தமாம், கோலாலம்பூர் உள்ளிட்ட முக்கிய சர்வதேச நகரங்களுக்கு ஏர் இந்தியா எக்ஸ்பிரஸ் தனது சேவைகளை மீண்டும் தொடங்கவில்லை.

சர்வதேச சேவைகள் தவிர, அந்தமான், திருவனந்தபுரம், திருச்சி, கோவை, மதுரை போன்ற முக்கிய உள்நாட்டு நகரங்களுக்கான விமான சேவைகளும் இந்த புதிய அட்டவணையில் சேர்க்கப்படவில்லை.

இந்த அறிவிப்பில், சென்னை மற்றும் சிங்கப்பூர் இடையேயான விமான சேவை மட்டும் வருகிற 25-ம் தேதி முதல் தொடங்கப்படும் எனத் தெரிவிக்கப்பட்டுள்ளது. மேலும், பெங்களூரிலிருந்து கோவை மற்றும் மதுரைக்கான சேவைகளும் அன்றைய தினம் முதல் இயக்கப்படவுள்ளன.