அமைச்சர் ஆனந்த் சட்டையில் முதல்வர் விஜய்யின் புகைப்படம் - ரசித்துப் பார்த்த பிரதமர் மோடி!

சென்னை விமான நிலையத்தில் பிரதமர் நரேந்திர மோடியை வரவேற்பதற்காகத் திரண்டிருந்த அமைச்சர்கள் மற்றும் அதிகாரிகளின் மத்தியில் நடைபெற்ற ஒரு சுவாரசியமான மற்றும் கலகலப்பான நிகழ்வு தற்போது அரசியல் வட்டாரத்திலும் சமூக வலைதளங்களிலும் வைரலாகி வருகிறது.

சென்னை விமான நிலையத்தில் பிரதமரை வரவேற்கச் சென்ற ஊரக வளர்ச்சி மற்றும் நீர்வளத்துறை அமைச்சர் என். ஆனந்த், தமிழக முதல்வர் விஜய்யின் புகைப்படம் பொறிக்கப்பட்ட பிரத்யேகச் சட்டையை அணிந்து வந்திருந்தார்.

அமைச்சரை வரவேற்கும் போது அவரது சட்டையில் முதல்வர் விஜய்யின் புகைப்படம் இருப்பதைப் பார்த்த பிரதமர் மோடி மிகுந்த ஆச்சரியமடைந்தார். உடனே அந்தப் புகைப்படத்தின் மீது கைவைத்த அவர், முதல்வர் விஜய்யைப் பார்த்து, "உங்கள் புகைப்படத்தைச் சட்டையிலேயே அமைச்சர் வைத்திருக்கிறாரே!" என்று வியப்புடன் விசாரித்தார்.

பிரதமரின் இந்தச் சுவாரசியமான கேள்வியைக் கேட்டு முதல்வர் விஜய் மகிழ்ச்சியுடன் புன்னகையோடு தலையசைத்தார். தொடர்ந்து அமைச்சர் ஆனந்தைப் பார்த்து, "நன்றாகப் பண்ணுறீங்க... வாழ்த்துக்கள்!" என்று பிரதமர் மோடி மனதாரப் பாராட்டுத் தெரிவித்துவிட்டுச் சென்றார்.

இன்றைய சென்னை வருகையின் போது நடந்த இந்த எதிர்பாராத மற்றும் சுவாரசியமான சம்பவம், விமான நிலைய வரவேற்பு நிகழ்வுக்கு கூடுதல் கவனம் சேர்த்துள்ளது.