இன்று பிரதமர் மோடி சென்னை வருகை - முதலமைச்சர் விஜய் நேரில் வரவேற்பு.. ஒரே மேடையில் பங்கேற்பு!

பிரதமர் நரேந்திர மோடி அவர்கள் இன்று அதிகாரப்பூர்வப் பயணமாக சென்னைக்கு வருகை தந்துள்ள நிலையில், அவيரை தமிழக முதலமைச்சர் விஜய நேரில் வரவேற்க உள்ளார்.

சென்னை மெட்ரோ ரயில் இரண்டாம் கட்டத் திட்டத்தின் கீழ் பெரிதும் எதிர்பார்க்கப்பட்ட பூந்தமல்லி - வடபழனி வழித்தடப் புதிய சேவையைப் பிரதமர் மோடியும், முதலமைச்சர் விஜயும் இணைந்து கொடியசைத்துத் தொடங்கி வைக்கின்றனர். மேலும், இவர்கள் இருவரும் மெட்ரோ ரயிலில் குறிப்பிட்ட தூரம் பயணிக்கவுள்ளதாகவும் திட்டமிடப்பட்டுள்ளது.

மெட்ரோ திட்டத் தொடக்க விழா மட்டுமின்றி, சென்னை ஐ.ஐ.டி. மற்றும் கிண்டியில் நடைபெறும் பல்வேறு அரசு நிகழ்ச்சிகளிலும் பிரதமர் மோடியும் முதலமைச்சர் விஜயும் ஒரே மேடையில் கலந்துகொண்டு சிறப்பிக்க உள்ளனர்.

முதலமைச்சராகப் பதவியேற்ற பிறகு, பிரதமர் மோடியும் முதலமைச்சர் விஜயும் இணைந்து பொது மேடையில் தோன்றும் முதல் நிகழ்வு இது என்பதால் அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது. பிரதமரின் வருகையையொட்டி சென்னையில் பலத்த பாதுகாப்பு ஏற்பாடுகள் செய்யப்பட்டுள்ளன.