தமிழகத்தில் 3 மாவட்டங்களில் வெளுத்து வாங்கப் போகும் கனமழை!

தமிழகத்தில் கோடைக்காலம் முடிந்து தென்மேற்கு பருவமழை தீவிரமடைந்து வரும் நிலையில், சென்னை மற்றும் அதன் சுற்றுவட்டார மாவட்டங்களில் கடந்த சில நாட்களாகவே பரவலாக நல்ல மழை பெய்து வருகிறது. இதன் தொடர்ச்சியாக, வளிமண்டல மேலடுக்கு சுழற்சி காரணமாகத் தமிழகத்தின் பல்வேறு பகுதிகளில் இன்று அடுத்த சில மணி நேரத்திற்கு இடி, மின்னலுடன் கூடிய மிதமான மழை பெய்யக்கூடும் என்று சென்னை வானிலை ஆய்வு மையம் தற்பொழுது ஒரு புதிய எச்சரிக்கையை விடுத்துள்ளது.

வானிலை மையம் வெளியிட்டுள்ள இந்த அவசர அறிவிப்பின்படி, தமிழகத்தில் இன்று மதியம் 1:00 மணி வரை 3 முக்கிய மாவட்டங்களில் மழை நீடிக்க வாய்ப்புள்ளது. அதன்படி செங்கல்பட்டு, காஞ்சிபுரம் மற்றும் விழுப்புரம் ஆகிய மாவட்டங்களில் உள்ள ஒருசில பகுதிகளில் இடி மற்றும் மின்னலுடன் கூடிய மிதமான மழை பெய்வதற்கான வாய்ப்புகள் அதிகமாக உள்ளதாகத் தெரிவிக்கப்பட்டுள்ளது. இந்தத் திடீர் மழை எச்சரிக்கை காரணமாக அந்தந்த மாவட்ட நிர்வாகங்கள் தற்பொழுது தகுந்த முன்னெச்சரிக்கை நடவடிக்கைகளை மேற்கொண்டு வருகின்றன.

மதிய நேரத்திற்குள் இந்த 3 மாவட்டங்களில் மழை பெய்யக்கூடும் என்பதால், வேலை நிமித்தமாக வெளியில் செல்லும் பொதுமக்கள் மற்றும் வாகன ஓட்டிகள் குடை மற்றும் தகுந்த பாதுகாப்பு உபகரணங்களுடன் செல்லுமாறு அறிவுறுத்தப்படுகிறார்கள். மேலும், மழையின் போது இடி, மின்னல் தாக்கும் அபாயம் இருப்பதால் பொதுமக்கள் யாரும் மரங்களின் அடியிலோ அல்லது மின் கம்பங்களுக்கு அருகிலோ நிற்க வேண்டாம் என்றும், நீர்நிலைப் பகுதிகளுக்குச் செல்வதைத் முற்றிலும் தவிர்க்க வேண்டும் என்றும் வருவாய்த்துறை அதிகாரிகள் எச்சரித்துள்ளனர்.