ரூ.100 கோடி லஞ்ச வழக்கு - அன்பில் மகேஷிடம் 6 மணி நேரத்திற்கும் மேலாக விசாரணை!

தனியார் பள்ளிகளுக்கு அனுமதி வழங்குவதில் ரூ.100 கோடி வரை லஞ்சம் வசூலித்ததாகத் தொடரப்பட்ட வழக்கில், முன்னாள் அமைச்சர் அன்பில் மகேஷ் மத்திய குற்றப்பிரிவு காவல்துறையினர் முன்பு நேரில் ஆஜராகி விளக்கம் அளித்துள்ளார்.

தனியார் பள்ளிகளுக்கு அங்கீகாரம் மற்றும் கட்டுமான அனுமதி பெற்றுத் தருவதாகக் கூறி, முன்னாள் அமைச்சர் அன்பில் மகேஷ் ரூ.100 கோடி வரை பணம் வசூலித்ததாகப் புகார்கள் எழுந்தன. இதன் அடிப்படையில் அவர் தொடர்புடைய பல்வேறு இடங்களில் சோதனைகளும் நடத்தப்பட்டன.

இவ்வழக்கு தொடர்பாக, சென்னை வேப்பேரியில் அமைந்துள்ள மத்திய குற்றப்பிரிவு காவல் அலுவலகத்தில் அன்பில் மகேஷ் இன்று காலை விசாரணைக்காக நேரில் ஆஜரானார்.

அவரிடம் காவல்துறையினர் தீவிர விசாரணை நடத்தி வரும் நிலையில், இச்சீரிய விசாரணை சுமார் 6 மணி நேரத்திற்கும் மேலாகத் தொடர்ந்து நடைபெற்று வருவதாகத் தகவல்கள் வெளியாகியுள்ளன.