மகளிர் கணக்கில் மீண்டும் ரூ. 5,000? - தமிழக அரசின் புதிய ஆலோசனை!

தமிழகத்தில் கலைஞர் மகளிர் உரிமைத் திட்டத்தின் கீழ் ஏற்கனவே வழங்கப்பட்ட 5,000 ரூபாய் குறித்த தெளிவான விளக்கத்தையும், தற்போது அரசு மீன்ரும் ரூ.5,000 வழங்க ஆலோசித்து வருவதாக தகவல்கள் வெளியாகி உள்ளது.

தமிழக சட்டமன்றத் தேர்தல் நெருங்கி வரும் வேளையில், மகளிரின் பொருளாதார மேம்பாட்டிற்காக அரசு பல்வேறு அதிரடி நடவடிக்கைகளை எடுத்து வருகிறது. கடந்த பிப்ரவரி 13ம் தேதி, சுமார் 1.31 கோடி மகளிரின் வங்கிக் கணக்குகளில் தலா 5,000 ரூபாய் வரவு வைக்கப்பட்டது. இது குறித்து அரசு அளித்த விளக்கம் இதோ: முன்கூட்டியே வழங்கப்பட்ட தொகை: தேர்தல் நடத்தை விதிகள் அமலுக்கு வந்தால் உரிமைத்தொகை வழங்குவதில் சிக்கல் ஏற்படலாம் என்பதால், பிப்ரவரி, மார்ச் மற்றும் ஏப்ரல் ஆகிய மூன்று மாதங்களுக்கான உரிமைத்தொகை (3 × 1,000 = 3,000 ரூபாய்) முன்கூட்டியே வழங்கப்பட்டது.

இத்துடன் கூடுதலாக 'கோடைக்கால சிறப்பு நிதி'யாக 2,000 ரூபாய் சேர்த்து மொத்தம் 5,000 ரூபாய் வழங்கப்பட்டது. இதன் காரணமாக, வரும் மார்ச் மற்றும் ஏப்ரல் மாதங்களில் தனியாக 1,000 ரூபாய் உரிமைத்தொகை வழங்கப்படாது. தற்போது வெளியாகியுள்ள தகவல்களின்படி, மகளிருக்கு மீண்டும் ஒரு 5,000 ரூபாய் வழங்க அரசு ஆலோசித்து வருகிறது. இது 'மகளிர் உரிமைத்தொகை' திட்டத்தின் கீழ் அல்லாமல், முற்றிலும் புதிய ஒரு திட்டமாக இருக்கலாம் எனத் தெரிகிறது.

இந்தத் தொகையானது பெண்கள் சிறு தொழில் தொடங்க அல்லது சுய உதவிக்குழுக்கள் மூலம் கடனுதவி பெறுவதற்கான ஒரு தொடக்க மூலதனமாக வழங்கப்பட வாய்ப்புள்ளது. குறிப்பாக கிராமப்புற மற்றும் பின்தங்கிய நிலையில் உள்ள பெண்களுக்கு முன்னுரிமை அளிக்கப்படலாம் எனக் கூறப்படுகிறது.

முதலமைச்சர் மு.க. ஸ்டாலின் அவர்கள் தனது உரையில், மீண்டும் திமுக ஆட்சிக்கு வந்தால் தற்போது வழங்கப்படும் மாத உரிமைத்தொகை ரூ.1,000 லிருந்து ரூ.2,000 ஆக உயர்த்தப்படும் என உறுதி அளித்துள்ளார். அரசின் இந்த புதிய ரூ.5,000 நிதி உதவி எப்போது முதல் நடைமுறைக்கு வரும் அல்லது இதற்கான தகுதிகள் என்ன என்பது குறித்த அதிகாரப்பூர்வ அறிவிப்பு விரைவில் வெளியாகலாம் என்று எதிர்பார்க்கப்படுகிறது.